73
28
15
電話號碼
25770699
營業時間
*最後落單時間: 22:00
星期一至日
11:30 - 23:00
付款方式
Visa Master 現金 AE 銀聯
座位數目
140
其他資料
Wi-Fi
酒精飲品
自帶酒水 詳細介紹
切餅費 詳細介紹
加一服務費
招牌菜
冬蔭炸雞翼 招牌燒乳豬 泰至尊薄餅 紅咖喱燒八爪魚墨汁麵 招牌黃咖喱炒蟹
食評 (135)
等級4 2019-05-07
2664 瀏覽
食物款式幾多嘅泰國菜,價錢偏貴,但食物精緻~爸媽夜晚唔想食到咁飽,於是我哋冇嗌主食寧願試多幾款小食,有啲感覺唔系真係咁泰式,有啲西式 fusion 嘅感覺烤白鱔 ❤️ ($98)評分:8/10.好少見到有烤鱔食 😙 件數唔多但非常肥美,彈牙同嫩滑👍 而且冇細骨真係抵讚 ✌️ 同鰻魚嘅口感相似但感覺更飽滿、唔腥烤墨魚仔 ❤️ ($90)評分:7.5/10.呢個都好食嘅不過感覺凍咗味道瞬間淡口咗好多 😅 墨魚烤至彈牙,但整體總係感覺差緊啲嘢,要夠酸辣醬汁先勉強將味道逼到出嚟~😗 或者火侯可以再猛啲肉碎生菜包 ❤️ (價錢後補)評分:8/10.呢味餸多數一家人去食泰菜都會嗌,皆因媽媽要求大家要食多啲菜 😂 咁樣插住一筒菜個樣幾盞鬼 😆 突然田園風爆棚~肉碎齎食的話都幾梗吓,好嗆口😚 都係包番生菜食先得,生菜片幾爽口冬蔭功湯 (價錢後補)評分:7/10.飲第一啖覺得幾香,但越飲越覺得唔系好得 😐 太酸同太濃味,辣就唔系好辣但香得濟飲得唔太舒服,要邊食邊飲中和番先得芒果沙冰 ❤️ ($32)評分:8.5/10.好似山咁高嘅芒果沙冰 😋 味道好好,唔太酸,亦都唔會甜到打冷震。我諗同宜家芒果當造有關~覺得佢哋亦都打得好綿密,冇飲到大粒冰碎泰式炸魚丸蝦丸 ❤️ ($88)評分:7.5/10.幾特別嘅一個二合一小食 😎 平時都要煩惱嗌蝦餅好定魚餅好,今次唔晒揀可以兩樣都食到 😙 蝦丸比起魚丸再要彈牙一啲,但魚丸冇細骨,都算打得唔錯。外面炸到香脆,嚟咗一陣都仲保持到🚫 千萬別點⁣烤雞中翼 ❤️ ($88)⁣非常唔建議嗌呢個系 Menu 上同燒烤放埋一齊嘅雞翼 😥 平時雞翼應該係安全菜式但佢哋嘅連肉質都做得唔好,雞肉系韌嘅,幾失望 繼續閱讀
(以上食評乃用戶個人意見 , 並不代表OpenRice之觀點。)
等級3 2019-07-26
205 瀏覽
難得今日得閒, 決定行遠D去食晏。 12:45 既太古城, 處處都排長龍, 唯獨呢間得3個人等, 就食呢間啦! 等左5 分鐘入得, 開心!叫左兩個SET LUNCH, 價錢唔算平既, 不過之前食過幾好味, 貴少少又何妨。牛肉肉丸船河 - 啖湯好清甜, 牛丸不過不失, 可惜牛肉煮得太耐, 好un, 咬極都咬唔開咁。側邊個辣汁反而有驚喜, 酸酸辣辣的, 撈左D河粉, 好味! 泰式焗豬排飯 - 坦白說, 除左呢個係黃薑飯及價錢有分別, 諗唔到同大X 樂有咩分別之處.....飲品冇咩特別所以唔評論。 繼續閱讀
(以上食評乃用戶個人意見 , 並不代表OpenRice之觀點。)
等級2 2019-07-10
306 瀏覽
行到腳仔軟,但终於買到兩份禮物。行咗幾間餐廳,決定去Mango Tree。之前去曼谷食過,覺得好好味,於是想到呢間回味下。原本準備入去,但waitress叫我們等等,正在轉下午茶。過咗好多個一陣,終於拾好位,便立即點了海鮮喇沙海河,牛肉肉丸船河,香茅奶茶,薄荷荔枝冰,加小小錢要多個泰茶拉米蘇。海鮮喇沙海河好有椰香味,好濃,好好味,牛肉肉丸船河亦好好味,都算香濃,咸甜度適中。兩碗粉及餸份量剛好,很飽肚。香茅奶茶,好香的香茅味,薄荷荔枝冰亦OK。泰茶拉米蘇其實是tiramisu,好香咖啡味,好creamy好滑哦!坐隔離有位媽媽細心地,為一位約四歳左右女兒點餐,不斷問職員辣唔辣,有咩材料等,而職員態度亦很恩切。 繼續閱讀
(以上食評乃用戶個人意見 , 並不代表OpenRice之觀點。)
等級1 2019-07-05
383 瀏覽
其實員工嘅態度正常,唯獨經理好神奇。 本身我地同其中一個staff預先order左cake,講明叫上先上,佢仲話星期四可以任坐無時限。 食左一輪,我地其實未飽,點知佢地旋風式收哂啲餐具,說時遲 那時快,仲上埋個驚喜甜品,我地全部呆哂。跟住同上菜個staff講我地未飽,想再叫,咁個staff番番去廚房諗住放底,點知個經理大大聲:「玩野」 跟住我地怕有手尾,叫埋碟甜品番黎,個經理又大大聲:「拎番出去呀」明明錯不在我地,卻俾經理咁嘅對待,真係差啲以為自己under佢。 繼續閱讀
(以上食評乃用戶個人意見 , 並不代表OpenRice之觀點。)
等級3 2019-07-05
293 瀏覽
行到累就住底食左下午茶 我就叫左喇沙河, 味道都唔錯, 份量就岩岩好,個湯ok 但海鮮就一般般, 感覺擺左有D耐, 唔新鮮另外我都叫左杯奶茶茶味比較淡味, 下午茶88hkd 我覺得可以更好 繼續閱讀
(以上食評乃用戶個人意見 , 並不代表OpenRice之觀點。)