心鉄板燒 (已結業)

兩個人叫set唔使諗😂蟹肉元貝冬瓜湯: 諗咗好耐點唔點呢個湯好，因為好似好中式， 好在有叫因為個湯蟹肉夠多， 仲好鮮甜。廚師用一個鐵壺嘅嘢放喺鐵板上面燒慢慢煲滾個湯再送上。日本岩蠔配櫻花蝦: 首先隻蠔好似手掌咁大隻，喺鐵板燒熟咗之後，放返喺個殼度再放上烘乾咗嘅櫻花蝦， 一乾一濕，一脆一軟，好夾。中南非鮑魚配紫菜柚子汁: 個汁好味好特別，夾埋鮑魚一齊食吊起左鮑魚味，唔點個汁返而鮑魚會偏淡。A4和牛配牛舌心: 恰到好處嘅火喉， 剛剛熟嘅和牛，爽滑而且厚身嘅牛舌。 油脂啱啱好迫咗出嚟，唔會好油膩，散發嘅只有牛香。