「本地薑」素食店 (已結業)

因為偶然一次食完lunch亂咁逛而發現的一間素食店. 同事係食素的關係, 所以就同佢講有間新店... 點知佢食過一次後就極力推介.同佢黎過數次, 但懶人食到第N次先的起心肝寫食評.本地薑的位置有點'僻', 唔係大街. 係藍屋後面. 不過附近lunch time有間長期排長龍的越南店, 只要過左條龍向右邊望就見到. 本地薑的menu唔多選擇. 基本上有幾款日日都一樣. 好似薑黃飯. 或者餃子麵.不過佢都重有幾款食品會不同. 除此之外, 更有甜品, 燉湯或例湯(有燉湯個日就唔會有例湯).我每次黎都係食呢個薑黃飯, 除左個飯外. 佢的疏菜都係用最時令的, 所以每次都有d不同.唔好聽到"薑"黃就以為辣. 個飯唔辣架. 而且唔好以為會有怪味, 連怪味都無. 真係當佢係加左少少味的炒飯就可以. 睇落去好似唔太多料, 其實以女士黎講. 呢個份量都幾飽.一個飯會附送一杯飲品同埋一個小食. 呢幾個星期都係呢隻豆. 之前有食過係菜.另外今次無食甜品, 十二月有次黎要左個雪耳糖水. 料就好多, 但唔好諗住同出面一樣會好甜, 佢的甜味好淡. 呢d先夠健康. 至少落足料. 唔會比杯糖水你. 天氣乾燥不妨多叫個甜