影片
更多
2021-04-14
274 瀏覽
﹊﹊﹊﹊﹊﹊﹊﹊﹊﹊﹊﹊☞ 照燒肉燥蒟蒻絲+牛肉壽起燒+柚子胡椒雞肉沙律+日本國產米首先個牛肉壽起燒一上檯Fat9見到佢個色水已經同平時食既好唔到 啲色淡到好似人地蒸完肉餅啲倒汗水咁🤒食落口更加啦 完全冇壽起燒陣甜味 勁淡口😥個沙律係食唔到柚子味 會唔會係柚子陣味偏淡食唔到炸 唔係囉 佢連胡椒味都食唔到 係食到有陣酸酸地既味就冇喇😾而個照燒肉燥蒟蒻絲就冇味道既 但Fat9見個餐牌係有個辣椒係到 正常黎講都應該係有辣味佢先會有個辣椒係到架姐 點知完全零味道 蒟蒻絲本身都冇味架喇 點知佢調完味都係冇味😹﹊﹊﹊﹊﹊﹊﹊﹊﹊﹊﹊﹊✎炸蓮藕片+南蠻炸雞+蔥燒厚切牛舌+日本國產米炸蓮藕片係幾好食 因為炸夠香口 佢又塊塊都咁上下薄度 所以呢個Fat9覺得唔錯 好似食小食咁😆而南蠻炸雞既雞皮亦都炸得夠脆 炸粉唔厚 唔會比炸粉蓋過左我最愛既雞皮😋而佢個醬都幾好 酸甜度適中 加小小檸檬汁會令到個醬陣味再出啲 酸酸甜甜夠開胃🤤但個牛舌Fat9絕對要比負皮 係咁岩Fat9食個時個廚師心情唔好?定係咩原因 因為Fat9完全唔明點解會有人介紹呢個牛舌 佢連最基本牛舌本身要有既牛舌味都冇🤢食落去凍既都不在話下 而我
☞ 照燒肉燥蒟蒻絲+牛肉壽起燒+柚子胡椒雞肉沙律+日本國產米
首先個牛肉壽起燒一上檯Fat9見到佢個色水已經同平時食既好唔到 啲色淡到好似人地蒸完肉餅啲倒汗水咁🤒食落口更加啦 完全冇壽起燒陣甜味 勁淡口😥個沙律係食唔到柚子味 會唔會係柚子陣味偏淡食唔到炸 唔係囉 佢連胡椒味都食唔到 係食到有陣酸酸地既味就冇喇😾而個照燒肉燥蒟蒻絲就冇味道既 但Fat9見個餐牌係有個辣椒係到 正常黎講都應該係有辣味佢先會有個辣椒係到架姐 點知完全零味道 蒟蒻絲本身都冇味架喇 點知佢調完味都係冇味😹
﹊﹊﹊﹊﹊﹊﹊﹊﹊﹊﹊﹊
✎炸蓮藕片+南蠻炸雞+蔥燒厚切牛舌+日本國產米
炸蓮藕片係幾好食 因為炸夠香口 佢又塊塊都咁上下薄度 所以呢個Fat9覺得唔錯 好似食小食咁😆而南蠻炸雞既雞皮亦都炸得夠脆 炸粉唔厚 唔會比炸粉蓋過左我最愛既雞皮😋而佢個醬都幾好 酸甜度適中 加小小檸檬汁會令到個醬陣味再出啲 酸酸甜甜夠開胃🤤但個牛舌Fat9絕對要比負皮 係咁岩Fat9食個時個廚師心情唔好?定係咩原因 因為Fat9完全唔明點解會有人介紹呢個牛舌 佢連最基本牛舌本身要有既牛舌味都冇🤢食落去凍既都不在話下 而我完全唔覺得個牛舌係厚切 但佢上面既蔥係幾香口既 但個牛舌就真係不敢恭維喇 極度失望啊喂🤮!!!!!!
﹊﹊﹊﹊﹊﹊﹊﹊﹊﹊﹊﹊
☞紅酒汁煮牛肋條+松葉蟹薯仔沙律+蔥燒厚切牛舌+醬油蛋日本國產米
松葉蟹薯仔沙律既松葉蟹Fat9個時仲搵左一陣 點知就係蟹柳絲🥱跟住再加啲甘筍絲同青瓜絲 整個沙律 無論味道又好用既材料又好都冇特別可言😶佢既紅酒汁就比平時出面食既冇咁濃味 陣味偏淡口🤨個汁淡口都算 但佢身為主菜 佢既牛肋條竟然得3粒 係3粒 份量小得濟喎😢同埋佢啲蘿蔔全部都煮到燶哂 唔掂喎真係😟
﹊﹊﹊﹊﹊﹊﹊﹊﹊﹊﹊﹊
✎和風茄子+東坡肉+牛油醬油煎安格斯牛柳+明太子雞翼+醬油蛋日本國產米
和風茄子酸酸地做開胃菜都幾好 而且佢茄子既口感入口唔係淋身而係比個爽口 唔錯呢個前菜🥳佢既東坡肉其實整體上都唔差舊肉炆幾淋 入口有溶化既感覺 Fat9溫馨提示佢點啲芥末黎食個味道會更好味🤩但略嫌佢啲東坡肉太肥 有一兩舊啲膏仲大舊過舊肉🤭至於佢既安格斯牛柳😹...擦子膠食過未呢?個口感同擦子膠一樣 成舊柴咁 剩係個口感都已經不了 好差🤮而佢既明太子雞翼 冇左上面既明太子個雞翼就咩都唔係 但你食埋上面啲明太子又好鬼鹹 Fat9都唔知擺緊啲咩入口🤐
﹊﹊﹊﹊﹊﹊﹊﹊﹊﹊﹊﹊
↬味道: ☻/5
↬服務: ☻ ☻ ☻/5
↬環境: ☻ ☻ ☻/5
15 瀏覽
1 讚好
0 留言
張貼
