朱敏記大牌檔

營業中

休息中

大排檔行80年代的士高style。但食物質素極差，沙薑吊筒咬唔入，完全唔入味。另外一個蒸魚，食材質素極差，一啲鮮味都冇。唯一食得落嘅係魚香茄子煲。但非常搞笑嘅係，佢嘅菜單上面有兩個魚香茄子煲，一個$60 ，另一個$80，問侍應，佢就話呢份係錯嘅，咁點解仲會拎出嚟俾客人睇呢？作為一間餐廳，食物質素同味道係最重要，其他gimmick嘢應該要係其次。晚市大概七成滿，但似乎大部份都係熟客。同埋餐廳非常之嘈，要有心理準備。