朱敏記大牌檔

營業中

休息中

大排檔行80年代的士高style。但食物質素極差，沙薑吊筒咬唔入，完全唔入味。另外一個蒸魚，食材質素極差，一啲鮮味都冇。唯一食得落嘅係魚香茄子煲。但非常搞笑嘅係，佢嘅菜單上面有兩個魚香茄子煲，一個$60 ，另一個$80，問侍應，佢就話呢份係錯嘅，咁點解仲會拎出嚟俾客人睇呢？作為一間餐廳，食物質素同味道係最重要，其他gimmick嘢應該要係其次。晚市大概七成滿，但似乎大部份都係熟客。同埋餐廳非常之嘈，要有心理準備。

年初三好多大排擋冇開，試咗一間從未試過咁差嘅大排檔．可以講全港冇一間比佢更差，味道差上菜慢坐幾個鐘才上兩三個菜，食咗一兩様菜之後突然熄晒燈變卡拉OK夜總會格局，簡直係噪音中伏

剛剛路過呢間話自命為大排檔嘅餐館，見有好幾台客坐喺度食吓羊腩煲，咁我就外賣個鹹魚雞蛋炒飯啦！點知中咗伏，呢盒炒飯冇鑊氣冇鹹魚味不特止，係連個炒飯都冇乜味，仲要等差唔多半個鐘頭先炒好。其實前後得兩個外賣客！廚房出餐嘅速度真係有待改善。好後悔冇上嚟先望一望有冇食評，依家睇返原來有一個差評，加埋我呢個，佢依家一共有兩個差評

今天下午要光顧新開餐廳， 很多午餐都沒有在供應，點三次午餐都沒有供應，最後選擇了薯仔鴨肉飯， 朋友選擇了辣炒豬腰飯。豬腰飯好快就到，不過成碟菜得好少豬腰， 不過味道還可以。 最後我的薯仔鴨肉飯到， 成碟得薯仔同鴨骨完全沒有一片鴨肉， 就跟店員說， 兩個阿姐都唔識聽廣東話。 問佢係咪冇鴨肉戰其他又唔應你。又冇話會唔會黎番。最後換咗一碟上枱， 全部都係鴨骨同鴨頸。 真係一片肉都沒有。 本身對大排檔都沒有什麼期待， 叫佢呢排咁Hit一定以為有佢特點， 是特別差嗎？