一鍋豐 (已結業)

4個人去食宵夜，食正價238 宵夜時段208果個。啲刺身又唔凍兼有味又少，次次上菜數量唔啱就算通常都係咁，但啲食物都唔新鮮 你話果個鐘數通常唔夠新鮮唔怪你 但問題又唔好食，鍋底味又淡。唯一鍾意的只有牛百葉。我覺得價錢同食呢啲嘢唔抵。物不所值。最可惡的係 我哋12點入座 去到1點15分左右時落單 個樓面姐姐發晒爛渣 黑口黑面 好惡好大聲講: 又落嘢？快啲快啲喇！last柯打喇！ 我當場O晒嘴，門口同個餐紙明明寫住係食兩個半鐘喎 而家先個半鐘 同埋佢啲語氣超唔爽，不過當時我哋都食得7788 所以冇同佢哋計較。但係我係嚟俾錢食嘢享受，而唔係嚟俾錢兼受氣囉！以後絕不再嚟！！！