更多
2021-10-17
310 瀏覽
book枱果時餐廳講明限時90分鐘,7:30前離座有75折,所以6點坐低後已經即刻order,點知等左45分鐘都未有一碟野上枱。喺一間不停同你講夠鐘就要走既餐廳,係咪更加要控制好出菜時間呢?其實,如果食物質素係好既話,又點會介意要等丫。奈何食物質素奇差,唔知係咁橋叫左難食既野定???等左差唔多一個鐘,終於有碟腥到爆既油甘魚刺身上枱。兩碟主菜入面,一個係豬鞍,一個係燒春雞。豬鞍係全晚最好食既野,整得好淋,油脂分佈剛剛好,入口好香好好食,5分滿分我會比4.5分。而最令人失望係果半隻燒春雞,又咸又鞋,未食過咁鞋既燒春雞。墨西哥薯條外表好吸引,點知得個汁好味同最頂果層啲薯條好味,下面果啲明顯翻炸左好多次,炸到又硬又乾又深色,浪費左個醬汁。火焰朱古力球係幾靚,但個火溶唔到果塊過厚既朱古力外殼,然後又要好大力先整得碎啲朱古力。可能因為淋上去既酒太濃,整個甜品既味都被蓋過,最後得返濃濃酒味同苦味,我真係唔識欣賞。🤷🏼♀️最後放杯好飲mocktail既相。我認為就算間餐廳有某幾樣野幾拿手幾好食都好,質素參差好影響啲客會唔會再食。如果啲野好食,係絕對唔介意比貴少少慢慢食,但見佢啲野質素咁樣,仲唔拿拿聲食
其實,如果食物質素係好既話,又點會介意要等丫。奈何食物質素奇差,唔知係咁橋叫左難食既野定???
等左差唔多一個鐘,終於有碟腥到爆既油甘魚刺身上枱。
兩碟主菜入面,一個係豬鞍,一個係燒春雞。豬鞍係全晚最好食既野,整得好淋,油脂分佈剛剛好,入口好香好好食,5分滿分我會比4.5分。而最令人失望係果半隻燒春雞,又咸又鞋,未食過咁鞋既燒春雞。
墨西哥薯條外表好吸引,點知得個汁好味同最頂果層啲薯條好味,下面果啲明顯翻炸左好多次,炸到又硬又乾又深色,浪費左個醬汁。
火焰朱古力球係幾靚,但個火溶唔到果塊過厚既朱古力外殼,然後又要好大力先整得碎啲朱古力。可能因為淋上去既酒太濃,整個甜品既味都被蓋過,最後得返濃濃酒味同苦味,我真係唔識欣賞。🤷🏼♀️
最後放杯好飲mocktail既相。
我認為就算間餐廳有某幾樣野幾拿手幾好食都好,質素參差好影響啲客會唔會再食。如果啲野好食,係絕對唔介意比貴少少慢慢食,但見佢啲野質素咁樣,仲唔拿拿聲食完7:30前埋單走咩!另外,明知有用餐時間限制,落單時又冇預先同客人講某幾樣菜式要等較耐時間,個半鐘時間有一個鐘用黎等野食,十五分鐘就要食晒啲前菜主菜,甜品又係倒落個胃咁。咁樣既體驗就好似比好貴價錢食快餐咁,一啲都唔係享受。對我黎講,呢間餐廳絕對唔會係我會再去試既一間。
老實講,本來好期待今晚餐飯,結果係超失望。
張貼