味道樂居酒屋 (元州街) (已結業)

去到長沙灣想食呢一間鰻魚飯，到餐廳就叫原條炭火燒鰻魚飯$98， 個鰻魚超大塊，大過個飯，性價比好高。鰻魚配上醬汁同埋大大粒嘅米飯超好味。lunch set 會送沙律同埋日式蒸蛋。日式蒸蛋好滑份量大。海膽三文魚子甜蝦蓉丼 - 海膽三文魚好新鮮，三文魚籽甜蝦蓉超多，滿佈飯的上面。色彩鮮艷，一半甜蝦，一半三文魚籽，上面鋪左海膽。甜蝦蓉值得一讚，但因為料太多的關係，有少少漏。半燒火炙四色魚生丼 - 三文魚好新鮮煮到剛剛好。外表出色，有唔同嘅顏色點綴。黑蒜汁燒鹿兒島黑毛豬 - 黑毛豬切到一粒粒，份量不少，黑毛豬燒到岩岩好，肉汁鮮嫩，加上炸左的蒜片，好香口。