Vie Won Won (已結業)

今日去呢間喺西環嘅鬼混試下，香港大學站通車之後過黎真係好方便，但去到南里之後要注意下舖頭係縮左入去，所以要望清楚丫！今日第一道菜試嘅係烤穀飼牛骨髓配麵包片，意料之外嘅驚喜！入口即溶嘅牛骨髓，加上少量辣椒，配埋脆口麵包片，完全無油膩嘅感覺。非常香口！牛骨大大條，份量比想像中大好多，個人極力推薦！第二道試嘅係香煎鴨肝配封門牛柳，呢道菜最特別嘅地方係有一支秘製可可醬另上比你，淋落牛柳後更加將牛柳嘅味道提升一個層次。我點左5成熟，廚師控制火候啱啱好！值得一讚！另外連伴碟嘅車厘茄好甜，加上甘荀煮熟唔會臭青味，成道菜超正！點左杯Pink Lady 成份有西柚汁，石榴汁，vodka，最得意係喺杯嘅圍邊有爆炸糖！少少酸勁開胃！突然比爆炸糖爆兩下感覺好新鮮！甜品係爆谷火山配雪糕🍧真係一座山既爆谷🍿️平時去戲院都會食但一座山既真係幾特別配雲呢拿雪糕！打卡一流😁