元洲牛肉麵 (坑口村) (已結業)

當日17:50行到將軍澳坑口村，見到呢間元洲牛肉麵，諗起朋友食過元洲街嗰間幾好食，就入去試試。因為時間尚早，未到晚餐時段，所以店內未有客人，入去直接就坐低睇餐牌，叫咗招牌牛肉麵(粗麵)、牛筋拼極品牛丸麵(粗麵)和淨花鵰去骨雞脾(例牌)。好快嘢食就上枱，招牌牛肉麵牛肉好入味，幾林身，90分；牛筋拼極品牛丸麵，牛筋幾彈牙但唔難咬，85分，而極品牛丸就的確係極品，彈牙，多汁，咬落去牛丸由外至內都充滿肉汁，味道適中，好有牛味但又唔會覺得太濃太鹹，絕對係翻食之選，100分。最後講嘅淨花鵰去骨雞脾，雞係只有dd花雕味，的確餐牌上寫花「鵰」(大型鵰類猛禽)而唔係花「雕」(花雕酒)，所以有少少花雕酒味都ok了，最令我覺得貨不對辦嘅重點係，餐牌寫明係「去骨」雞脾，但上枱嘅雞脾俾原隻斬件嘅，雞脾原本都係單一支骨，斬開嘅雞件都好清楚見到支被斬開嘅骨，並唔係去骨去唔清剩低少少嗰種，雖然$62兩隻花雕雞脾唔算特別貴，但去骨都係功夫，冇去骨又賣去骨價錢，就唔係好妥當，其次係雞肉好乾身同粗嚡，的確係雞脾肉，但口感係雞胸，30分。最後為免浪費食物，我係照食哂份雞嘅，埋完單俾完錢後亦有向店家反映去骨雞脾冇去骨問題。整體