韓燒大叔

營業中

休息中

朋友11月生日飯想食韓燒，即刻諗起呢間。120分鐘任食海鮮刺身任食放題，每人都唔使$400，性價比甚高。而家做緊兩款限時優惠：1️⃣四人同行送1條原條浦燒鰻魚。2️⃣ 晚市每4人有得玩1次抽獎，我地就抽中醬油蟹一客。（其他奬品有韓牛、燒酒，甚至賬單免費😲）未開始韓燒已經嗌左一堆刺身同小食。三文魚/希靈魚/北寄貝/帶子⋯ 好新鮮，質素一啲都唔輸蝕。小食推介泡菜煎餅同韓式炸雞。不過唔好食咁多，留返個肚食烤肉。肉類同海鮮款式都多：安格斯下肩胛肉/韓式牛肋骨/安格斯封門柳/牛板腱/牛頸脊/薄切牛脷/扇貝/帆立貝/白蜆/海虎蝦⋯叫到成枱都係。嘆住任飲啤酒食烤肉，一流。