影片
更多
2017-07-01
59 瀏覽
Happy Friday 就同朋友一齊去荃灣行街 行到入夜 我本來想出返旺角食晚飯 但朋友又狂話肚餓 於是就係呢頭覓食 😋 荃灣真係有好多好吸引既餐廳 我都特登入過黎幾次 為既就係食餐豐富高質既午餐或者晚餐～我地行到黎豚道樂 見因爲早所以未有排長龍既情況 就即刻入去食拉都 聽過咁多豚道樂既好評 但就未真係入去試過 今次一定要抓緊機會食返一次！😎餐廳入面7 點幾已經人山人海 坐到幾滿下 都唔好意思影入面 怕被拍者唔中意俾人放上黎 所以唯有影下另一樣得意既野呢張自選拉麵紙好清晰簡潔 先選麵既軟硬度、直麵定曲麵、湯底辣唔辣、要唔要蔥花等等 有得自由配搭真係好開心 🤤重點就緊係呢枝可愛到爆既熊本熊筆 未食已經心情好☺️餐牌真心抵讚 一卡兩面 囊括左各款特色經典拉麵、小食同飲品 仲有埋圖添 真係好照顧到顧客既需要 簡單明瞭 👍🏼韓式蒜蜜味叉燒 $25同餐牌上面既圖一模一樣 大大塊既豚肉 厚薄適中 而且香氣撲鼻 店員仲好貼心地叫我地趁熱食 ☺️ 叉燒既蒜味同埋蜜糖味都好濃 兩者好夾 豚肉應該係腩肉部份 有一層肥肉 食落更有層次感 口感十足 亦唔覺得油膩 😛我地以甜蜜蜜既叉燒作為今晚美食之旅既前菜 愈食
我地行到黎豚道樂 見因爲早所以未有排長龍既情況 就即刻入去食拉都 聽過咁多豚道樂既好評 但就未真係入去試過 今次一定要抓緊機會食返一次！😎
餐廳入面7 點幾已經人山人海 坐到幾滿下 都唔好意思影入面 怕被拍者唔中意俾人放上黎 所以唯有影下另一樣得意既野
呢張自選拉麵紙好清晰簡潔 先選麵既軟硬度、直麵定曲麵、湯底辣唔辣、要唔要蔥花等等 有得自由配搭真係好開心 🤤重點就緊係呢枝可愛到爆既熊本熊筆 未食已經心情好☺️
餐牌真心抵讚 一卡兩面 囊括左各款特色經典拉麵、小食同飲品 仲有埋圖添 真係好照顧到顧客既需要 簡單明瞭 👍🏼
韓式蒜蜜味叉燒 $25
同餐牌上面既圖一模一樣 大大塊既豚肉 厚薄適中 而且香氣撲鼻 店員仲好貼心地叫我地趁熱食 ☺️ 叉燒既蒜味同埋蜜糖味都好濃 兩者好夾 豚肉應該係腩肉部份 有一層肥肉 食落更有層次感 口感十足 亦唔覺得油膩 😛我地以甜蜜蜜既叉燒作為今晚美食之旅既前菜 愈食愈開胃 🤣
左：靜岡抹茶可樂 $20 右：山梨桃梳打 $21
抹茶可樂係朋友點既 第一次飲呢種飲料 抹茶味道好淡 基本上都係可樂味 所以其實似飲緊可樂 大家唔洗驚會好怪 我覺得還好～🍵
山梨桃梳打好好飲！桃味十足 飲落好清新 加埋梳打既味道 變得好清爽可口 岩曬係炎炎夏日消暑解渴 🍑🍸
特上濃厚原味豬骨拉麵 $85
拉麵既豚骨湯頭咸淡適中 而且比我平時食開既豚骨湯頭濃好多好多 非常入味～ 拉麵煙韌爽口 我揀左普通既硬度 再加九州風直麵 🍜 拉麵既質素好高 食到停唔到口～
豚肉份量亦都好足料 有足足四片 啲豚肉仲要係好大片 係真係大過我隻手掌 厚度亦都好合心意🍖😍 我食左兩、三片已經開始好飽 可想而知係幾咁豐富 😋
我留返最愛既味蛋最後先食！平時食親拉麵 好多時都要加錢先有味蛋 食拉麵冇溏心蛋會好失色 😭～🍳 半熟蛋黃既蛋香滿足左我味覺既享受 🤤
特上日本芥末拉麵 $93
朋友比較中意食辣野 所以點左日本芥末拉麵 好似好少見芥末口味既拉麵 成個湯底都係青綠色 上面放滿蔥花、木耳等等既配料～ 我因為好奇 所以都試左幾啖 估唔到味道唔錯 唔係辣椒個種辣 而係辣得好爽好過癮 會令人邊食邊流鼻水 但又不能自拔地食落去 值得一試 👍🏼🌶🍜
日式餃子（5 隻）$30
呢碟餃子係名副其實既皮薄餡靚 餃子既外皮煎得好香脆 而餃子所用既豬肉鮮嫩多汁 非常香口～
一咬落去 啲肉汁四濺 令人齒頰留香😋店內所用既餃子醬汁帶少少酸味 但一啲都唔難入口 反而更能提升餃子既鮮味 ☺️ 大家食拉麵之餘 都可以試埋佢既小食🍴當日既晚餐係一個美好既體驗 食物味美不在話下 服務員既服務態度親切 令我地食得舒服～
張貼
