影片
更多
2025-03-05
270 瀏覽
［📍尖沙咀｜Room 3］經朋友介紹，介紹呢間餐廳環境非常之靚，而且價錢非常實惠，食日本野黎講好抵食。今日嚟到本身唔係好肚餓，見到Menu有好多唔同選擇，樣樣都想試吓，食吓食吓，越食越開胃，到最後都食咗好多。呢到主打好多唔同款嘅飲品，嗌咗款mock tail試下。味道好清新，好開胃，下次黎要試埋佢地啲酒類。小食嗌左好幾款。無花果沙律估唔到咁大碟，食落好清新，配料好新鮮。脆合桃小女子，係焗到好香嘅合桃配埋小甜魚既小食，合桃用蜜糖炒到好香脆配埋小甜魚，好惹味。另外仲嗌咗個蟹黃蟹肉窩夫撻，蟹肉非常之足料，一啖食落去好滿足，窩夫撻烘到微脆，口感豐富。店員介紹呢到串燒都好出名。燒雞翼看似平平無奇，食落非常多肉汁，燒到外面好脆身，同時保留到雞肉嘅嫩滑。西班牙黑豚玉子燒，平時好少見呢個配料，好特別，豚肉嘅油脂香味配埋玉子一齊，好夾。雞翼釀鮑魚好有特色，食落口感好特別，雞翼既香味配埋包括嘅鮮味同埋爽口嘅口感，值得一試！另外仲嗌咗個意粉，同埋壽司TACO。意粉味道非常之有特色，魷魚肝汁配上辣辣嘅味道，非常之惹味同鮮味，喜歡食海鮮嘅朋友絕對可以試吓。另外既壽司TACO係一款fusion既菜式，TACO個薄
經朋友介紹，介紹呢間餐廳環境非常之靚，而且價錢非常實惠，食日本野黎講好抵食。
今日嚟到本身唔係好肚餓，見到Menu有好多唔同選擇，樣樣都想試吓，食吓食吓，越食越開胃，到最後都食咗好多。
呢到主打好多唔同款嘅飲品，嗌咗款mock tail試下。味道好清新，好開胃，下次黎要試埋佢地啲酒類。
小食嗌左好幾款。無花果沙律估唔到咁大碟，食落好清新，配料好新鮮。
脆合桃小女子，係焗到好香嘅合桃配埋小甜魚既小食，合桃用蜜糖炒到好香脆配埋小甜魚，好惹味。
另外仲嗌咗個蟹黃蟹肉窩夫撻，蟹肉非常之足料，一啖食落去好滿足，窩夫撻烘到微脆，口感豐富。
店員介紹呢到串燒都好出名。燒雞翼看似平平無奇，食落非常多肉汁，燒到外面好脆身，同時保留到雞肉嘅嫩滑。西班牙黑豚玉子燒，平時好少見呢個配料，好特別，豚肉嘅油脂香味配埋玉子一齊，好夾。雞翼釀鮑魚好有特色，食落口感好特別，雞翼既香味配埋包括嘅鮮味同埋爽口嘅口感，值得一試！
另外仲嗌咗個意粉，同埋壽司TACO。意粉味道非常之有特色，魷魚肝汁配上辣辣嘅味道，非常之惹味同鮮味，喜歡食海鮮嘅朋友絕對可以試吓。
另外既壽司TACO係一款fusion既菜式，TACO個薄脆用上天婦羅紫菜，包住香蔥拖羅，仲有三文魚子，成件事好鮮，口感好豐富。
最後用上甜品作結，紅豆布丁唔會太甜，配上軟綿既紅豆，味道岩岩好。
菠蘿焦糖燒，菠蘿本身非常新鮮，好香菠蘿味，配埋焦糖，酸酸甜甜，一個人食哂都完全冇問題。
張貼
