影片
更多
2019-07-02
287 瀏覽
肥妹仔今晚去咗一間喺灣仔嘅中菜館食飯，呢一間中菜館好得意，因為佢嘅菜式名好多都係攞咗金庸小說入面嘅名稱做菜名，而且聽人講佢嘅燉湯同埋串燒都唔錯，所以肥妹仔就嚟試下。蟲草花胡椒豬肚雞煲仔麵 $58佢個湯底其實就係胡椒湯湯底再加上一啲雞件同埋蟲草花，面就係普通嘅粗麵。肥妹仔飲咗個湯底之後覺得呢個湯偏鹹，如果冇咁鹹嘅話會好飲好多。蝦兵蟹將煲仔炆飯 $108顧名思義呢一個燜飯入面有蝦， 蟹柳同埋蟹子。佢個飯係炒飯底，冇汁嘅，面頭再灑上一堆蟹籽，食落去好香飯焦味。巴蜀香辣黑豚肉醬撈擔仔麵 $68個肉醬好香，不過真係幾辣 ，撈擔仔麵好惹味。火焰山岩燒牛舌 $48呢一個牛舌係薄切嘅牛舌， 燒得剛剛好 ，入口即溶。蒙古羊肉串 $38羊肉串燒得比較乾身，但係羊味都幾濃。洪七公燒乳鴿 $78呢一個燒乳鴿好好食，外皮燒到香脆，乳鴿嘅肉質都幾滑。燒雞腎串 $28幾有咬口，不過細粒咗啲。秘製燒封門柳 $68個封門柳好好食，牛肉味超濃，而且肉質好嫩滑。燒滷鴨舌 $28佢有鹵水嘅香味但燒完係比較香口。燒鯖魚 $42魚皮燒到卜卜脆， 鯖魚本身已經醃咗，唔使點任何醬汁食。醉大哥糖心蛋 $36呢一個糖心蛋
肥妹仔今晚去咗一間喺灣仔嘅中菜館食飯，呢一間中菜館好得意，因為佢嘅菜式名好多都係攞咗金庸小說入面嘅名稱做菜名，而且聽人講佢嘅燉湯同埋串燒都唔錯，所以肥妹仔就嚟試下。
蟲草花胡椒豬肚雞煲仔麵 $58
佢個湯底其實就係胡椒湯湯底再加上一啲雞件同埋蟲草花，面就係普通嘅粗麵。肥妹仔飲咗個湯底之後覺得呢個湯偏鹹，如果冇咁鹹嘅話會好飲好多。
蝦兵蟹將煲仔炆飯 $108
顧名思義呢一個燜飯入面有蝦， 蟹柳同埋蟹子。佢個飯係炒飯底，冇汁嘅，面頭再灑上一堆蟹籽，食落去好香飯焦味。
巴蜀香辣黑豚肉醬撈擔仔麵 $68
個肉醬好香，不過真係幾辣 ，撈擔仔麵好惹味。
火焰山岩燒牛舌 $48
呢一個牛舌係薄切嘅牛舌， 燒得剛剛好 ，入口即溶。
蒙古羊肉串 $38
羊肉串燒得比較乾身，但係羊味都幾濃。
洪七公燒乳鴿 $78
呢一個燒乳鴿好好食，外皮燒到香脆，乳鴿嘅肉質都幾滑。
燒雞腎串 $28
幾有咬口，不過細粒咗啲。
秘製燒封門柳 $68
個封門柳好好食，牛肉味超濃，而且肉質好嫩滑。
燒滷鴨舌 $28
佢有鹵水嘅香味但燒完係比較香口。
燒鯖魚 $42
魚皮燒到卜卜脆， 鯖魚本身已經醃咗，唔使點任何醬汁食。
醉大哥糖心蛋 $36
呢一個糖心蛋雖然唔算太流心，但係勝在佢嘅酒味夠濃， 幾好食。
張貼
