影片
更多
2018-11-21
30 瀏覽
平時番工已經夠攰 今日趁假期緊係食個夠本 大家都知旺角出名多放題 但要揀一間好食既放題真係難。 一入到店舖唔算大 但都好多卡位 一家大細食飯都應該坐得舒服 店舖裝潢幾日本風 好多旗仔掛係牆上 好有特色 色彩繽紛 望到人都會開心啲。午市放題 $199+1 剌身款式唔算太多 有啲刺身款式要加錢如海膽等等 食落口都幾新鮮幾甜美 特別係三文魚 🍣 好肥美 但食得多又唔會漏 北寄貝爽口 如果款式再多會更好👍🏼熟食方面反而好多選擇 最特別係佢竟然有泰國野食 我地點左佢個泰式豬頸肉 加埋洋蔥同特別調配既醬汁 幾惹味 仲有生菜肉包 啲豬肉碎既味道都拍得住正宗泰國餐廳 🍴正啊！炸物方面 每款天婦羅我地都點左一樣🍤 都幾值得一讚就係天婦羅既炸粉唔會厚 唔會一食落口成口粉 食得幾件都仲得 雞軟骨都好好味 細細粒幾脆口。不過講到呢間放題最出色既應該莫過於佢既磯燒松葉蟹蓋 店員會拎個gas爐比你自己燒同埋送上一碟配料比你自己撈 自己落手落腳整 感覺上都好味啲 松葉蟹蓋食落去唔會有腥味 好鮮甜 撈埋啲飯同蔥同蟹子仲香口 至於佢個個A5和牛粒 都幾重牛味 咬落仲有啲牛汁流出來 肉質都鮮嫩 唔會咬唔開👍🏼至於甜品方面
一入到店舖唔算大 但都好多卡位 一家大細食飯都應該坐得舒服 店舖裝潢幾日本風 好多旗仔掛係牆上 好有特色 色彩繽紛 望到人都會開心啲。
午市放題 $199+1
剌身款式唔算太多 有啲刺身款式要加錢如海膽等等 食落口都幾新鮮幾甜美 特別係三文魚 🍣 好肥美 但食得多又唔會漏 北寄貝爽口 如果款式再多會更好👍🏼
熟食方面反而好多選擇 最特別係佢竟然有泰國野食 我地點左佢個泰式豬頸肉 加埋洋蔥同特別調配既醬汁 幾惹味 仲有生菜肉包 啲豬肉碎既味道都拍得住正宗泰國餐廳 🍴正啊！
炸物方面 每款天婦羅我地都點左一樣🍤 都幾值得一讚就係天婦羅既炸粉唔會厚 唔會一食落口成口粉 食得幾件都仲得 雞軟骨都好好味 細細粒幾脆口。
不過講到呢間放題最出色既應該莫過於佢既磯燒松葉蟹蓋 店員會拎個gas爐比你自己燒同埋送上一碟配料比你自己撈 自己落手落腳整 感覺上都好味啲 松葉蟹蓋食落去唔會有腥味 好鮮甜 撈埋啲飯同蔥同蟹子仲香口 至於佢個個A5和牛粒 都幾重牛味 咬落仲有啲牛汁流出來 肉質都鮮嫩 唔會咬唔開👍🏼
至於甜品方面 唔算多選擇 最中意就係佢個個心太軟 一擺落口暖暖地 啲朱古力醬流出來 除左心太軟外 仲有好多任食既雪條雪糕同糯米滋 真係好滿足🤭
總括來說 食物都算幾好味同幾有特色 會再介紹朋友去 不過如果上菜速度再快啲會更加好👍🏼
🍽7/10
🔍極上帝王水產
旺角西洋菜街1號兆萬中心9樓
張貼
