影片
更多
2017-12-21
369 瀏覽
其實一直都想試下呢間野，因為係公司附近，咁啱我得返今日得閒，所以就約咗老公去食呢間野。入到去先發現都幾多位。無諗到呢度有個套餐都幾抵，冬日套餐 $438 都包哂所有野，職員話今日嘅麵包蟹好靚，問我地有冇興趣加﹐咁地望下個餐牌，加$128有咁鬼多野食又幾好，於是我又加咗。後來又發現成個餐無牛，我老公又一定要食，於是我又加埋個 $398 日本山形A5和牛肉眼。 呢度嘅配料一早俾埋你，有薑粒、青檸同辣椒粒，侍應話薑粒同青檸有提升啲雞嘅鮮味。個煲就咁睇已經有啲新鮮嘅椰子肉煲，要煲幾耐呢.....? 我地可以參考下圖個漏斗都真係幾有型，大慨7分鐘倒 ~ 係等嘅時候我已經見到海南沙薑脆豬手，其實我真係好少食凍嘅小食，但係個樣又真係幾吸引，忍唔住食一舊，點知就停唔到口啦要做到咁爽口，係整熟咗之後，要即刻搵冰水浸先做到，而且單係聞都聞到啲酒味，加上啲香茜同埋沙薑，真係好入味。食到咁上下，主角就出場勒，單睇就覺得隻雞其實應該唔係嗰啲老雞，因為佢啲色好光滑~ 加卜表面仲有啲椰子，睇嚟店方為咗令本身煲緊椰子肉嘅湯昇華到去另一個更加椰子嘅層次。我真係好耐未食過呢啲咁嫩嘅雞啦!!! 入口完全可以用嫩同滑嚟形容，
無諗到呢度有個套餐都幾抵，冬日套餐 $438 都包哂所有野，職員話今日嘅麵包蟹好靚，問我地有冇興趣加﹐咁地望下個餐牌，加$128有咁鬼多野食又幾好，於是我又加咗。後來又發現成個餐無牛，我老公又一定要食，於是我又加埋個 $398 日本山形A5和牛肉眼。 呢度嘅配料一早俾埋你，有薑粒、青檸同辣椒粒，侍應話薑粒同青檸有提升啲雞嘅鮮味。
個煲就咁睇已經有啲新鮮嘅椰子肉煲，要煲幾耐呢.....? 我地可以參考下圖個漏斗
都真係幾有型，大慨7分鐘倒 ~
係等嘅時候我已經見到海南沙薑脆豬手，其實我真係好少食凍嘅小食，但係個樣又真係幾吸引，忍唔住食一舊，點知就停唔到口啦
要做到咁爽口，係整熟咗之後，要即刻搵冰水浸先做到，而且單係聞都聞到啲酒味，加上啲香茜同埋沙薑，真係好入味。
食到咁上下，主角就出場勒，單睇就覺得隻雞其實應該唔係嗰啲老雞，因為佢啲色好光滑~ 加卜表面仲有啲椰子，睇嚟店方為咗令本身煲緊椰子肉嘅湯昇華到去另一個更加椰子嘅層次。
我真係好耐未食過呢啲咁嫩嘅雞啦!!! 入口完全可以用嫩同滑嚟形容，好好食，明明對面係老公，但我好似當對面無人咁，食哂所有雞。
老公超鍾意呢度啲海南手工丸，佢話真係香好彈牙~
呢個三文魚刺身都係套餐入面架，無論係色澤同紋理都好靚，入口都好爽口甜美。
好鬼豐富的健康野菜籃，其實見到呢度都應該開始投降，因為真係好多野食，呢個餐真係夠4個人食。
呢個加$128嘅蕃茄麵包蟹湯配是日海鮮拼盤，應生超推介我食，點解呢? 佢地話係因為可以一湯兩食喎，其實我本身係聽唔明，後來我就明白勒，原來係將原本嘅椰子湯上，再混入蕃茄麵包蟹湯!!!! 其實原本嘅椰子湯已經好清甜，令人覺得係呢個冬天都好清潤，但加入呢個蕃茄麵包蟹湯之後，真係可以話將呢個清甜嘅湯提昇到去另一個層次，係鮮啊!!
除咗有蟹，仲有青口同馬刀貝~ 一啲雪味都無，可能係因為呢度有個大嘅魚池養住佢地~ 好新鮮!!
馬刀貝超肥美啊~
麵包蟹爆膏!!! 老公猛叫住我唔好食啊, 太多膏啦~ 爆血管啊~ 我無理佢~~ 因為太吸引啦~
我將佢混入啲日本稻庭烏冬度，啲烏冬真係好煙韌，本身以為應該係hea hea地，點知一啲都唔淋~
我地嘅重本之作姍姍來遲，日本山形A5和牛肉眼，我想話佢個樣完全同menu一樣。
日本山形A5和牛肉眼
$398
4 瀏覽
0 讚好
0 留言
我地兩個人叫咗咁多野著實有啲內疚，我地下次會叫多兩個朋友嚟，咁每人都係2百幾蚊，就食到咁多野~ 最後仲有份禮物送添，係代表四季的調味容器和2018名信片~ 哈~
張貼
