264
34
18
港鐵太子站 C2 出口, 步行約5分鐘 繼續閱讀
所有分店 (2)
電話號碼
24992700
開飯介紹
以養生椰子雞煲為主打的火鍋菜館,亦有提供不少特色火鍋配料,適合朋友聚餐。 繼續閱讀
營業時間
今日營業
11:30 - 00:00
星期一至日
11:30 - 00:00
付款方式
Visa Master 現金 銀聯
座位數目
200
其他資料
網上訂座
Wi-Fi
酒精飲品
VIP房 詳細介紹
電話訂座 詳細介紹
賞訂座積分
外賣服務
加一服務費
有關獎賞計劃
食評 (349)
等級4 2019-05-01
3282 瀏覽
經過哩度好多次了,今次我同朋友提議不如試下,第一次食四季文昌。一行入來,原來裝修勁靚,好似文青咖啡館咁,點都諗唔到食雞火鍋。香蔥五花腩籠仔蒸飯($62)好食又好睇,首先份量真係好大,其實可以兩個女仔分。一打開熱辣辣又香,D五花腩唔會好油膩,配埋香葱食都幾好。個飯係炒飯底,唔會乾,反而係沾左猪肉既油,好味,亦都好飽。四季文昌海南雞飯($68)朋友點左哩個,應該係招牌菜,但其實一般。雞都算滑都小肥,個油飯就麻麻地,好乾身,無咩味。海南雞飯既靈魂就係個汁,佢三個汁好似係有d名堂,海南鼓油、爆蒜葱油、海南酸汁,三個汁比較好味既係左邊果個了。我比較鐘意點既薑油同甜鼓油就無了。椰子雞湯米線($68)我試左個湯一啖,係清甜既,應該係有椰青水煮,但感覺有溝水既。朋友食食下覺得淡味,要左d辣醬來加味。菠蘿梳打餐配既飲品,大大杯。對住出面繁忙既街景,歎啖冰凍梳打,有種抽離既感覺,觀察世界,明明是身邊的事物,又好像同自己無關咁。整體來講,以太子既lunch來講,又好景,價錢是正常價,裝修好靚,明顯是想走文青風。我點既餐就好滿意,朋友就覺得佢地既一般。坐得好舒服就係真既。 繼續閱讀
(以上食評乃用戶個人意見 , 並不代表OpenRice之觀點。)
等級4 2019-04-15
3654 瀏覽
每日朝早搭車返工都會經過呢間「四季文昌」,一直都覺得呢間餐廳一定都係主打火鍋或者雞煲㗎啦~今日放假又經過「四季文昌」,見到門口姐姐排緊傳單,先知原來「四季文昌」係有lunch set 㗎🙈見依家都係lunch Time時間,就梗係衝上去啦🙆‍♀️.甫進餐廳,估唔到又係另一番景象~裝修以草木為主,感覺清新且富有文藝氣息,反而覺得好似去咗一間文青Cafe💕.餐廳門口位有兩個打卡位🙆‍♀️ 右邊係充滿溫馨感嘅小家居,左邊係復古風嘅電話亭,開餐前打下卡,影幾張靚相,感覺好吾錯🥰.午市套餐有14款可以選擇,主要都係圍繞著海南文昌雞為主,運氣好嘅話仲可以飲到送完即止嘅紅蘿蔔,雞腳,椰子同菌菇燉湯添👍.💕紅蘿蔔,雞腳,椰子同菌菇燉湯今日我地實在好lucky ,可以飲到呢碗燉湯🙈 燉湯以瓦盅盛載,既可以發揮保暖度極佳嘅效果,亦可以逼出材料嘅精華,飲到呢碗香氣四溢,香甜可口嘅燉湯💕飲完燉湯記得要食埋湯渣呀,佢哋先係燉湯個主角呢😎.💕叉燒嫩蛋蓋飯 ($42)雞蛋煎至8成熟,蛋汁非常豐富而顏色更係金黃色😍 嫩蛋夾雜著一塊塊嘅蜜汁叉燒,邊角位更微微燒至焦香,再撒上翠綠嘅蔥花,賣相吸引😎 嫩蛋入口香滑而富有蛋香,叉燒偏瘦,入口焦香甜美,而底部嘅白飯,粒粒分明,帶點嚼勁,不錯✨.💕玉子嫩滑雞脾丼 ($58)選用雞肉各部位入面,最受歡迎嘅雞髀肉作為丼丼飯嘅主角。雞髀肉肉質嫩滑多汁,吾會覺得乾柴,而且雞味濃郁😘將頂層嘅流心蛋搗破,蛋汁慢慢流出,再輕輕攪拌一下,每啖滑蛋都沾滿左蛋汁,好juicy,真係蛋香盈腔😋.最後,記得記得要影埋最後一個打卡位呀😈 繼續閱讀
(以上食評乃用戶個人意見 , 並不代表OpenRice之觀點。)
等級4 2019-04-12
2748 瀏覽
今日和男朋友去了位於旺角的新開四季文昌食午餐。好方便的位置,剛好在我們落巴士的附近。餐廳由2層組成,沿樓梯直上時會看到一排排的書架,充滿了文藝氣息!地方舒適寬敞,十分多打卡影相的靚位我們在樓下見午餐、下午茶餐食物選擇有很多又抵食,最後我們選擇了午市套餐,因為價錢只要幾十元,就有主菜+燉湯+1杯飲料 !最先上來的是椰子紅蘿蔔雞腳燉湯熱騰騰的燉煬,補身美味,更補補腳力,清甜暖胃,非常好飲!椰子雞湯米線湯底清甜,又不太會油膩!這裡的雞好出名,是海南文昌雞,果真雞肉鮮嫩,雞味濃郁!可上了伴菜:雲耳及竹笙,吸收了雞湯變得又甜又爽口,加上菜心苗更健康!海鮮喇沙烏冬材料非常豐富!有大大肥美的青口、軟滑的蟹棒及爽口鮮甜的蝦吸味又野味的豆卜、爽口芽菜等配料,另外烏冬軟硬適中,份量都可以,整體不錯!雖然湯底濃郁,但是又不會太辣菠蘿梳打:好大杯喔,有菠蘿浮在中間,酸酸甜甜又夠凍,非常解渴!熱情果菜:好香甜,熱飲好暖喔 繼續閱讀
(以上食評乃用戶個人意見 , 並不代表OpenRice之觀點。)
等級4 2019-04-08
2156 瀏覽
位於旺角荔枝角道33號百匯軒地下及一樓全層的四季文昌,主打椰子雞湯火鍋。之前試過在這餐廳吃火鍋,味道不錯。今次則和朋友試試四季文昌的午市套餐。餐廳光線充足,而且位置闊落,觀察到不少打工仔一行人來到這裡吃午餐。午市套餐約有十多款,價錢約為四十多至六十多元,還會送一杯飲品和燉湯,送完即止。店員端來了一客燉湯,燉湯是椰子蘿蔔雞湯,熱騰騰的,雞味濃郁,頗為滋補,但又不會太油膩。這款燉湯椰子味不算太濃。椰子雞湯米線 - Hainan Chicken with coconut soup noodles 來到了。米線的份量頗多,男士們也夠吃。雞件有雞胸和雞小槌的部分,雞胸肉一點也不嚡,十分滑溜,頗有驚喜。椰子雞湯的味道十分清甜,首先會嘗到雞的味道,椰子的甜味之後才湧出來。竹笙和雲耳吸滿了湯汁,味道不錯。朋友點了一客海鮮喇沙烏冬 Seafood Laksa Udon。這款烏冬的配料有芽菜、青口、蝦仁、蟹棒和豆腐卜。湯底相對較為濃味,味道鹹香,也能吃到頗濃的椰漿味。豆腐卜和蟹棒吸滿了喇沙湯汁,頗惹味。烏冬口感不算是十分有嚼勁,軟硬適中。青口的尺寸頗大,以五十多的的套餐來說,性價比頗高。有特定八款飲品可免費加配,選了較為特別的荔枝冰茶和菠蘿梳打。用膳當天天氣十分炎熱,所以和朋友都是選了凍飲,攪拌均勻後飲用,甜味更加平均。兩款飲品的賣相也頗不錯,而且口感十分冰涼,甜度適中。朋友頗喜歡有氣的菠蘿梳打特飲,十分解渴,面頭還有菠蘿片作點綴。 繼續閱讀
(以上食評乃用戶個人意見 , 並不代表OpenRice之觀點。)
等級4 2019-03-29
1968 瀏覽
這家火鍋餐廳的午市套餐確是超值,價錢由$42-$68。午市套餐包括一個自選主食,一個燉湯和自選冷熱飲品,而且還免加一服務費。餐廳位於一樓,從地下上一樓,有一條放滿書本的樓梯通往用餐區。餐廳環境十分寬敞,設有窗口卡座,亦有適合多人的長枱及圓枱等。叉燒嫩蛋蓋飯 ($42/lunch set)👍👍👍👍簡單得來又美味的叉燒炒蛋飯,是不少人的至愛,看似簡單的炒蛋,其實要炒得嫩滑都很考功夫。這碟叉燒嫩蛋蓋飯 ,叉燒切成薄片跟雞蛋拌炒,鮮黃嫩滑的炒蛋跟叉燒整整覆蓋整碟白飯,美味之餘,份量也很足夠。椰子雞湯米線($68/lunch set)👍👍👍👍這家餐廳以椰子雞鍋為主打,它們的椰子雞湯當然有一定水準。米線的湯底用了椰子雞湯,加上雞件、雲耳、蔬菜和竹笙,就成為一碗清甜又健康的米線。燉湯👍👍👍👍燉湯材料十分豐富,有椰青肉、紅蘿蔔、姬松茸、雞腳和豬肉等。能夠在午餐時間,喝一盅燉湯,的確能夠為我們下午的工作打打氣。茘枝梳打👍👍👍👍這杯荔枝梳打味道香甜,還有一粒茘枝肉,這杯特式涷飲更不需加錢。柚子茶 (熱)👍👍👍👍這杯熱飲柚子茶,滋潤又甜美。門面室內環境餐牌 繼續閱讀
(以上食評乃用戶個人意見 , 並不代表OpenRice之觀點。)