OVO CAFE

營業中

休息中

呢間係位於灣仔嘅素食Cafe，裝修以植物加木系枱凳為主，而且仲有大量獨特嘅盆栽、吊飾作為點綴，感覺好清新同有好多打卡位可以影相📸🍽️瑪嘉烈特芝士薄餅🍕瑪嘉烈特係一個好有經典口味嘅pizza，而佢哋嘅Pizza整到超薄得嚟食落又脆卜卜，平時我食pizza食一塊已經好飽，但因為佢哋啲薄餅整到好薄好脆，所以我食咗三塊😂同埋佢哋用咗好濃味嘅芝士同茄醬，食嘅時候仲食到薄荷葉，唔會好漏😌🍽️忌廉芝士牛肝菌扁意粉🍝啲扁意粉軟硬度煮到好適中，同埋原來忌廉芝士同牛肝菌都幾夾，加埋佢又有好香濃嘅菇菌味，再配埋火箭菜，更加可以提升到整個味道嘅層次感😎🍽️黑松露薯條🍟啲薯條食落又香又脆，而且份量仲好多添！餐廳好貼心，會準備茄汁同黑松露醬俾你自己選擇中意嘅口味，未必每個人都中意食黑松露醬，可以迎合返唔同口味嘅客人😁🍽️朱古力心太軟配雪糕球🍦叫得朱古力心太軟緊要食心太軟裏面嗰層流心啦，甜品一上枱第一時間即刻攞個叉切開心太軟一半，心太軟裏面會有啲流心流出嚟，味道唔會好甜，又有濃濃可可嘅味道，再配埋雲呢拿雪糕一齊食，又凍又熱咁食感覺好奇妙😆🥭🥛芒果奶昔飲落去覺得芒果味好香濃，將芒果同奶攪勻之後飲落仲好滑添，同埋都幾大杯，值得