OVO CAFE

營業中

休息中

今日覓食嚟到灣仔素食餐廳”OVO Cafe”，地點方便，灣仔地鐵站行過嚟大概5分鐘，店內有不少植物裝飾，猶如置身森林嘅感覺，加上播放純音樂，假期相約三五知己嚟嘆過早午餐，非常舒服，加上食物質素有驚喜，CP值非常高。芫荽香菜蝦卷扁意粉超級推薦的菜式，唔抗拒芫荽嘅人士一定要食，呢款係我食過最好食最有誠意嘅芫荽意粉，唔單止意粉上面有芫荽，店家會打碎芫荽炒意粉，導致每一條意粉都有濃濃嘅芫荽味。芝士Impossible Meat肉醬薯條薯條炸得金黃香脆，配上濃厚茄汁肉碎。韓式野菜蟲草花炒粉絲粉絲Q彈，口感適中，加上大量蟲草花及野菜，健康之選。柚子芒果沙律，芒果新鮮，配上酸醋沙律菜，非常開胃。紫薯甘栗餅炸得香脆，自帶紫薯及栗子嘅甜味。