GoNuts

營業中

休息中

最近啟德體育園有好多唔同show睇，開show前食嘢其實喺零售館都有好多選擇。喺零售館1同2中間有一間打卡餐廳，舖頭入面有成幢用棒球砌成嘅打卡牆，而且店舖入邊有好多電視，有咩運動比賽嘅時候都可以同朋友一齊睇live。馬來ABC湯 $68其實就係羅宋湯嘅感覺，有紅蘿蔔、洋蔥等等嘅材料，而佢地好特別咁加咗隻雞鎚喺入面😹，不過呢方面本人就麻麻地。冬陰功湯焗原隻法國春雞 $188佢哋焗雞嘅時候用咗唔少泰式嘅香料，所以整體上都好有泰式嘅味道，而且肉質尚算軟腍。不過我覺得如果隔離有多少少，例如薯蓉等等嘅配菜，就會令到成道菜更加豐富，不過味道上都唔錯😽。龍蝦汁海鮮意粉$118佢哋用咗龍蝦汁作為主要味道，而佢嘅龍蝦汁好濃稠，所以味道都好濃郁。而材料方面都非常豐富，有蜆肉、蝦肉、青口等等。榛子鮮奶朱古力 $44黑糖焙茶鮮奶 $44飲品方面味道都好出，而且叫咗少甜就真係唔係好甜😽✨。黑糖焙茶麻糬窩夫配朱古力雪糕 $74最後叫多一個甜品，好欣賞佢個窩夫超級濃茶味，而且每一啖都食到麻糬嘅口感，再加上唔會落太過多糖太甜，甜味主要係上面嘅忌廉同朱古力雪糕度黎💞。