梨滿園韓國料理 (已結業)

係旺角唔知食咩好，呢間韓國菜主打任食炸雞、大大份無限添食嘅餐點。我同朋友當日點了一個人蔘雞餐，有芝士紫菜包、芝士紫菜蛋捲同韓式拉絲豬手。呢個人蔘雞餐係可以加30蚊搭無限任食炸雞，90分鐘任食黎講都幾抵。我同朋友當日都係幾餓嘅，佢個豬手同蛋捲一上菜，就已經清空左，一黎係芝士拉絲好玩，二黎係豬手好滑，配芝士都幾惹味。蛋捲呢樣野本來就已經係人大岩食，百食不厭，當然唔會有剩。本來都好奇佢個人蔘芝士紫菜飯可以點上， 佢先上一個人蔘雞，雞肉唔使點其他野都已經好入味，無野可以挑剔。食到咁上下，老闆娘就問我地要唔要加飯。呢個鍋最後原來係可以煮粥仔食，人蔘雞湯係又補又潤，想象唔到點樣可以同紫菜同芝士夾到？不過當日我地食得太飽，無煮到粥。我地兩個叫食飽嘅同時，旁邊兩個叫炸雞餐嘅妹妹叫緊第二盤review，睇住佢上菜，默為裝得好滿，所以待應生都拎得好小心。睇黎呢種任食都係比較岩真心天然地大胃嘅朋友，唔係呢種一肚餓就假性大胃嘅人。最後我地無refill到就已經無quota再食了！