名代宇奈備長炭燒鰻魚飯專門店 (希慎廣場)

去到間野, 無book都唔洗排, 可能仲早
我就叫左158蚊 既飯, 兩舊腩加條尾, 長到出哂界呀
比我想像中上菜上得幾快
食落都幾有炭燒味, 不過有少少覺得佢燒多左
都幾嫩既
真心, 個腩係好食過條尾好多
所以唔好慳, 一定要叫腩
以為個飯好高好大, 點知D飯係薄薄一層架咋
不過有得加飯既, 唔夠就同佢講就得
呢度唔似佢地日本咁, D鰻魚汁放哂係枱, 你自己係咁加
係到你加返佢先拎俾你
服務都幾好既, 成個店面都係得兩個人咁多
所以佢地都幾唔得閒, 但對客人都仲係好有禮貌, 有笑容