源記甜品小食

營業中

休息中

天后有間主打中式糖水嘅小店，菜式唔算好多。鎮店招牌為陳年桑寄生茶，能幫助舒緩經痛，味道清甜可口，飲落順滑，加埋蛋可增添口感。另有桑寄生果凍，動L動L，而且唔甜，都幾唔錯。經典款有陳皮紅豆沙，偏水但夠熱，如果唔鍾意杰撻撻嘅就啱食。估唔到糖水店都有咁多小食，食糖水配小食都幾過癮。混醬腸粉入口滑溜，醬汁夠多足以食、咖哩魚蛋豬皮微微辣，魚蛋彈牙，豬皮夠大塊，吸滿醬汁，十分惹味。香煎蘿蔔糕煎至外脆內綿密，兩小件啱啱好。最後唔好唔記得食埋全蛋雞蛋糕，大大件，蛋香氣十足，早餐下午茶宵夜食到適合。