I's Land Cafe (已結業)

難得放假，當然要約下朋友行街睇戲食飯啦！朋友介紹呢間位於觀塘嘅cafe，雖然係樓上舖，但係都座無虛席。一入門口，可見裝修以四季為主題，十分有格調！我同朋友分別叫左兩樣小食同主菜，每款食物上碟賣相都好好！首先介紹下呢款雞翼，我地係俾佢個名吸引在先-水牛城雞翼，基於好奇，就試下水牛城係咩味。醬汁非常特別！微辣加上少許酸味，味道香濃，十分開胃！ 再黎，係法式煎鵝肝！鵝肝油脂豐富，前後煎到微脆，味道濃滑，外脆內軟，配上小法包，正正好中和鵝肝嘅濃膩感！到主菜A5和牛啦！講到A5，當然好期待，而味道亦冇令我地失望。我地order7成熟，廚師時間控制得好好！和牛油脂分佈平均，入口非常柔軟，肉質鮮嫩，不錯不錯！配埋大蕃茄，正好有中和飽膩感。呢個扇貝意大利飯都吾錯！大大粒扇貝，入口鮮甜有咬口，好有滿足感！而個意大利飯用蕃茄同芝士一齊煮，可以想像到幾咁香濃，口感幾咁豐富！另一亮點係呢個水果茶，二人份量，裹面有幾種吾同嘅水果，清新的水果汁，另外附有蜜糖，俾你隨你喜好調較甜度，十分推介！👍🏻