校長燒肉日韓料理 (觀塘廣場)

營業中

休息中

同事升職當然要賀一賀，於是選左公司附近呢間任食，鐘意佢邊爐韓燒刺身熱點咩都有。刺身冷盤（⭐️⭐️⭐️⭐️⭐️）叫得呢間餐廳做性價比之皇絕對有原因，佢地提供既刺身真係好多款式，三文魚、希靈魚、馬刀貝、虎蝦等等，想食既都有齊晒。而且佢地仲係擺係雪櫃即叫即拎，唔怕放既係室溫有細菌。另外佢地仲有好多健康冷盤，青瓜、沙律菜、蕃茄仔，唔怕放題任食淨係得肥膩兩個字。肉類（⭐️⭐️⭐️⭐️⭐️）餐廳既肉類係自己夾，要幾多拎幾多，款式都好多，有梅肉片、牛五花、豬腩片等等，應有盡有，而且全部肉類都可以按你自己喜好，打邊爐又得、拎去韓燒又得，真係啱晒三五知己全家人都啱食。不得不提呢款限定北海道豚肉，肉質鮮美，一d都唔鞋，油肉均勻，超級好食。配料（⭐️⭐️⭐️⭐️⭐️）餐廳既配料都係多到數唔晒，葡撻、炸薯條、魚皮、響鈴、新鮮蔬菜、就連爆谷機都有，可以講話你想唔到有既餐廳都有，可以講話好驚喜！另外每樣配料都唔馬虎，質數有保證，例如餐廳會擺d熱點係烘溫機保持溫度，值得一讚！甜品飲品（⭐️⭐️⭐️⭐️⭐️）放題當然唔少得飲品，呢到飲品選擇十分多，由罐裝汽水果汁、樽裝咸桔，去到包裝菊花茶、維他奶、解茶都有，真係任君選擇。另外餐廳都有甜品供應，涼粉、水晶粉，