校長燒肉日韓料理 (沙咀道) (已結業)

校長燒肉喺九龍新界都有幾間分店，假日仲會出現人龍，價錢相對合理，黃金時段加一後都係$250食2個鐘，於是決定試試佢。入到去坐低，店員都好細心介紹番唔同食物擺放嘅位置，方便我地去攞。座位寬敞，可以大快朵頤攞食物。另外，火爐夠猛，但有一張牛油紙隔住就唔怕會燒燶。凍肉蔬茶(⭐⭐⭐⭐⭐)食物選擇豐富，凍肉自家醃製🥩包括有：黑椒牛扒，一口牛，豬頸肉，豬扒，雞扒，雞軟骨，雞翼等等。當中唔少選擇都有辣味提供，適合鍾意食辣嘅朋友。值得一讚係醃製後並唔會太鹹或太濃味，肉質同肉味都keep到。最好食係豬扒🤤，大大塊油脂均勻，燒完送飯一流。燒物亦可選擇蔬菜🥬和丸類🍡，我個人就鍾意燒菠蘿同燒青椒，原汁原味好清新！飲品櫃(⭐️⭐️⭐️⭐️💢)飲品🧃方面都提供坊間普遍紙包同罐裝飲品，略嫌雪得未夠凍。刺身(⭐️⭐️⭐️⭐️⭐️)食完燒肉就轉下口味叫左幾款刺身🍣，質素不錯，幾新鮮同厚切。自助沖茶(⭐️⭐️⭐️⭐️⭐️)食左咁多野之後都要解滯，餐廳好貼心有一個沖茶corner🍵🫖，茶葉種類又多，例如有香片，玫瑰，山楂，檸檬等等，於是沖番壺嘆下茶。怕熱嘅朋友又可以加冰做凍茶。總括而言，依件燒肉店性價比高，食物有一定質素，服務態度不錯，餐廳貼心的表現