更多
2021-12-31
1168 瀏覽
2021年12月14日 星期二今日同同事遲咗放lunch，食飯嘅時候已經到咗下午茶時間，於是睇吓柴灣附近有咩好食咁岩又見到呢一間餐廳，之前曾經黎食過，性價比唔錯，所以決定拉埋同事入去再試我地一打開餐牌就俾呢一版鐵板餐吸引住，淨係睇圖片已經覺得賣相唔錯，加上實在太肚餓，下午茶食得豐富啲都好正常，於是我哋決定每人叫一個扒餐一點完餐之後店員幾分鐘內就送上飲品同餐湯，速度非常快，餐湯熱辣辣，飲落去唔覺落左味精，幾夠火喉，而且仲有湯渣食添！！至於杯奶茶沖得夠幼滑，茶味幾濃，飲完即刻精神晒之後食物開始陸續送到，有我點既鐵板海陸空跟薯菜配燒汁，燒汁同鐵板分開上，等我可以自行落多少醬汁到鐵板上面，成個鐵板都放滿食物，十分豐富，豬扒同魚柳都好大塊，而且唔韌，仲有好多肉汁，薯條又夠脆身，無論點燒汁或者茄汁一齊食都好夾至於同事既鐵板就更加誇張，佢點左鐵板西冷牛扒跟薯菜配蒜蓉汁，冇諗到塊西冷會咁大同厚，足足有一隻手掌咁大，切落去又唔算太難，入口都幾腍，仲充滿牛肉味，見到同事食得好滿足我地每人食完一個鐵板餐之後都覺得夜晚嗰餐可以唔使食，因為真係好飽，果然性價比十分高！！
今日同同事遲咗放lunch，食飯嘅時候已經到咗下午茶時間，於是睇吓柴灣附近有咩好食
咁岩又見到呢一間餐廳，之前曾經黎食過，性價比唔錯，所以決定拉埋同事入去再試
我地一打開餐牌就俾呢一版鐵板餐吸引住，淨係睇圖片已經覺得賣相唔錯，加上實在太肚餓，下午茶食得豐富啲都好正常，於是我哋決定每人叫一個扒餐
一點完餐之後店員幾分鐘內就送上飲品同餐湯，速度非常快，餐湯熱辣辣，飲落去唔覺落左味精，幾夠火喉，而且仲有湯渣食添！！
至於杯奶茶沖得夠幼滑，茶味幾濃，飲完即刻精神晒
之後食物開始陸續送到，有我點既鐵板海陸空跟薯菜配燒汁，燒汁同鐵板分開上，等我可以自行落多少醬汁到鐵板上面，成個鐵板都放滿食物，十分豐富，豬扒同魚柳都好大塊，而且唔韌，仲有好多肉汁，薯條又夠脆身，無論點燒汁或者茄汁一齊食都好夾
至於同事既鐵板就更加誇張，佢點左鐵板西冷牛扒跟薯菜配蒜蓉汁，冇諗到塊西冷會咁大同厚，足足有一隻手掌咁大，切落去又唔算太難，入口都幾腍，仲充滿牛肉味，見到同事食得好滿足
我地每人食完一個鐵板餐之後都覺得夜晚嗰餐可以唔使食，因為真係好飽，果然性價比十分高！！
張貼
