可可研究室 (已結業)

柴灣俾人一種好舊嘅感覺,去到呢個地方有時諗食咩嘅時候都係諗到啲燒味飯,食魚蛋河呢啲比較傳統嘅餐廳或者食物,而今日我就搵到一間唔似喺柴灣會出現嘅café.間餐廳叫"CocoaLap"入到去好舒服餐廳入面有高櫈可以俾食客選擇！有小朋友嘅就可以選擇矮櫈見佢個餐牌都好多選擇而我媽媽就揀咗假日lunch嘅牛扒餐加杯凍檸水牛扒唔韌啱老人家食,再加上一個野味嘅黑椒汁（如果怕辣就可考慮轉汁 因為同比出面食到嘅黑椒汁比係較辣一啲)媽咪大人食得好開心而我就叫咗個水牛雞翼, 雞翼外層炸得好鬆軟入面就好啲啲乾如果做到多啲肉汁就更加好！不過都叫好食嘅食完雞翼就想嘆返杯朱古力奶, 嗰侍應擺喺張枱上面嘅時候,我心諗我叫杯朱古力啫，咩事咁大陣仗...仲棟住個牌叫我Keep away原來呢杯叫" Lab-Chocolate"好有趣呢杯嘢可以因應客人對朱古力唔同嘅味道要求而去自己調較味道。我就鍾意冇咁重奶味所以我加晒成杯朱古力小朋友見到一定會好開心因為啲小魔怪最鍾意好似我咁搞Lee搞路~整體呢間café唔錯！