平昌 Premium (已結業)

約埋三五知己聚餐，柴娃娃嘈嘈閉，一係就去打邊爐，一係就去食韓燒。為咗方便大家夜麻麻返屋企今日揀咗去佐敦平昌韓式燒烤，任飲任食唔使諗，冇煩惱😂六點到，座位任揀！因為大家都唔太肚餓所以揀咗個最基本嘅任飲任食套餐，除咗有韓式烤肉可以燒烤之外，仲有好多熟食，例如韓式煎餅，辣炒年糕，炒粉絲，香辣拉麵，韓式拌飯等等，款式多樣化，簡直花多眼亂！燒烤中有我最愛嘅牛仔骨和牛肉，夠晒入味！朋友就最喜歡燒雞肉，大蝦亦十分新鮮！其實佢有燒蠔，但係我哋今次無試到！仲有第一次食韓燒有燒鰻魚，認真不錯，燒完更加美味👍爐邊的雞蛋又香又滑，再加埋任飲，大滿足！