影片
更多
2016-11-24
287 瀏覽
又黎到星期六搵食日，上網睇到呢間日本餐廳如此高評分，由於有質素o既日本餐廳多數都會係尖沙咀、中環、銅鑼灣，而位處旺角o既佢，令我心大心細究竟係咪真係咁好呢!? 諗咁多做咩~ 試一試咪知囉餐廳係一棟平時完全唔起眼o既大廈，真係要講句柳暗花明又一村，平時係完全留意唔到有呢棟大廈存在的，但其實佢係正地鐵站出口，非常方便餐廳裝潢十分用心，係高級日本餐廳o既格調，我坐o既位置旁邊有好多空酒瓶作裝飾，成個空間令人好舒服好relax，完全忘記左我而家係超級鬧市 - 旺角連筷子座都咁特別，令人用起上黎特別賞心悅目Lunch Menu有熟食，亦有生食，價錢豐儉由人，平時去親日本餐廳都一定會魚生飯食，今日特別D，揀個熟食啦點好食物店員就會俾塊濕布俾你清潔雙手，細心的表現前菜(沙律)呢個沙律最特別o既地方就係用上莓黎做個醬汁，配搭生菜、紅腰豆、蕃茄、粟米，酸酸地咁好開胃，作為前菜真係好稱識前菜(牛舌)我好喜歡食牛舌，厚切的就更岩我口味，蘿蔔同牛舌都熟到好淋入晒味，其實如果份量多d真係做主菜都唔失禮前菜(日式蒸蛋)日式蒸蛋最重要係要蒸得夠滑，呢方面呢間餐廳絕對做得好好，裡面亦用左好多材料，最特別一種係素翅，
又黎到星期六搵食日，上網睇到呢間日本餐廳如此高評分，由於有質素o既日本餐廳多數都會係尖沙咀、中環、銅鑼灣，而位處旺角o既佢，令我心大心細究竟係咪真係咁好呢!? 諗咁多做咩~ 試一試咪知囉餐廳係一棟平時完全唔起眼o既大廈，真係要講句柳暗花明又一村，平時係完全留意唔到有呢棟大廈存在的，但其實佢係正地鐵站出口，非常方便
餐廳裝潢十分用心，係高級日本餐廳o既格調，我坐o既位置旁邊有好多空酒瓶作裝飾，成個空間令人好舒服好relax，完全忘記左我而家係超級鬧市 - 旺角
連筷子座都咁特別，令人用起上黎特別賞心悅目
Lunch Menu有熟食，亦有生食，價錢豐儉由人，平時去親日本餐廳都一定會魚生飯食，今日特別D，揀個熟食啦
點好食物店員就會俾塊濕布俾你清潔雙手，細心的表現
前菜(沙律)呢個沙律最特別o既地方就係用上莓黎做個醬汁，配搭生菜、紅腰豆、蕃茄、粟米，酸酸地咁好開胃，作為前菜真係好稱識
前菜(牛舌)我好喜歡食牛舌，厚切的就更岩我口味，蘿蔔同牛舌都熟到好淋入晒味，其實如果份量多d真係做主菜都唔失禮
前菜(日式蒸蛋)日式蒸蛋最重要係要蒸得夠滑，呢方面呢間餐廳絕對做得好好，裡面亦用左好多材料，最特別一種係素翅，另外仲有菇、蟹柳、白果，十分豐富
前菜 (麵鼓湯)最後來一個麵鼓湯暖一暖胃，麵鼓湯材料同樣豐富，加入左比較少用上o既毛豆
西京燒銀雪魚定食 ($168)來到主角了，日本米粒粒圓潤，白淨非常，最喜歡o個種黏黏的口感，飯味當然比一般泰國米香
銀雪魚係我最愛，平時食魚我唔食魚皮的，但今次煎得香香脆脆，我唔只無反感，仲大愛喔
魚肉實淨，魚味濃郁，喜歡佢魚油係慢慢滲出黎，而唔係一舊舊油咁瓊住係度，配上沙律醬一齊食，o個個moment完全感受到幸福的感覺 真的沒有誇張喔~
事實再次上明，高評分係一定有原因的，好開心旺角都有一間如此高質素o既日本餐廳，午市真係好抵食，淨係前菜已經有4款食品，我一定一定會再來的
張貼
