影片
更多
2006-09-20
18 瀏覽
柔情蜜意係講緊一個尋找蜜桃的故事.生活繁忙, 間中享受一個美味的午餐, 就如把ipod的On-The-Go Playlist 執一執, 再出發. 星期六的下午, 忽然想嘆一嘆, 就同文迪來一個繼續浪漫的午餐. 而且我一直覺得Chesa的佈置直程係Dopey木屋一樣, 特別有親切感.一坐低就知賴嘢, 一大枱中年以上的女子, 當了而度係酒樓. 加上Chesa樓底較低, 成餐午餐都要聽她們發表. 浪漫午餐變了純美食午餐.午餐時間, 當然食特價午餐, $228一位, 加埋一都係$250, 已經有頭盤, 主菜, 甜品同咖啡, 剩睇牌面, 一個字: 堅.先來麵包, 凍凍的, 點解? 味道偏鹹, 但反而幾合我心水.鴨胸清湯: 9分, 清清地. 有時而D清湯都幾濃, 今次就剛好, 加上鴨胸的點綴, 鴨胸無因為放入湯內而變老, 美味. 一人一碗, 讓腸胃預備一下.生牛肉沙律: 9分, 老許的黑椒生牛肉血肉橫飛, 而碟生牛肉沙律就平易近人得多, 生牛肉薄薄的, 配上小小菜, 露荀同沙律汁, 帶出了牛肉的鮮味. 正.文迪平時基本上唔食乜生嘢, 今次例外.煎銀鱈魚: 9分, 其實我們兩個都唔太好魚, 但而味煎
生活繁忙, 間中享受一個美味的午餐, 就如把ipod的On-The-Go Playlist 執一執, 再出發. 星期六的下午, 忽然想嘆一嘆, 就同文迪來一個繼續浪漫的午餐. 而且我一直覺得Chesa的佈置直程係Dopey木屋一樣, 特別有親切感.
一坐低就知賴嘢, 一大枱中年以上的女子, 當了而度係酒樓. 加上Chesa樓底較低, 成餐午餐都要聽她們發表. 浪漫午餐變了純美食午餐.
午餐時間, 當然食特價午餐, $228一位, 加埋一都係$250, 已經有頭盤, 主菜, 甜品同咖啡, 剩睇牌面, 一個字: 堅.
先來麵包, 凍凍的, 點解? 味道偏鹹, 但反而幾合我心水.
鴨胸清湯: 9分, 清清地. 有時而D清湯都幾濃, 今次就剛好, 加上鴨胸的點綴, 鴨胸無因為放入湯內而變老, 美味. 一人一碗, 讓腸胃預備一下.
生牛肉沙律: 9分, 老許的黑椒生牛肉血肉橫飛, 而碟生牛肉沙律就平易近人得多, 生牛肉薄薄的, 配上小小菜, 露荀同沙律汁, 帶出了牛肉的鮮味. 正.
文迪平時基本上唔食乜生嘢, 今次例外.
煎銀鱈魚: 9分, 其實我們兩個都唔太好魚, 但而味煎銀鱈魚又幾好, 唔湦, 配上淡淡的醬汁同配菜, 幾清新.
羊扒: 8分, 全日來講比較失色的菜色, 老婆大人怕食得太生, 要了Medium, 始終扒類食物要Medium或以上較容易失手. 我覺得部份肉質老了一點, 個汁就好正, 係少了一點, 唔多夠撈, 但整體來講都算係滿意的一碟.
蜜桃湯配荔枝雪芭: 10分, 買相漂亮, 荔枝雪芭相當清甜, 無平時食雪芭嗰種過度冰冷感, 撈埋浸住蜜桃湯的蜜桃肉, 兩種感覺一齊放進口中, 甜而不膩. 蜜桃肉唔係地記的貨色, 食落口好爽甜, 又無俾一大浸糖水浸到過甜.
我而個蜜桃發燒友, 一直追尋美味的蜜桃. 去到Bellagio同Wynn都要大手大手咁食完蜜桃先食長腳蟹. 但蜜桃甜品一直未遇見合心水的, 之前試過什麼蜜桃批等等都不太好, 終於等到而個蜜桃湯配荔枝雪芭, 極度滿意.
10分的甜品!!
焗香蕉配雲呢拿雪糕: 9分, 外皮很脆, 入面的香蕉肉撈埋雲呢拿雪糕, 又係Perfect Match, 唔通伍樂城同林夕先係Perfect Match?
咖啡: 9分, 半島的咖啡依然唔會令人失望, 香濃又幾滑溜. 無UCC114同117嗰種苦澀, 文迪平時唔飲咖啡今次都一飲而清.
朱古力雙拼: 9分, 以一碟自家製的朱古力作結尾, 兩種味道每樣三件, 細細粒, 香橙朱古力有點點橙味, 原味朱古力的朱古力味就比較濃烈. 兩樣都好.
食得非常豐富, 都係$500兩位, 依然係5個5的水準. 侍應服務細心, 我而D自認食家, 當然想每樣都試一試. 侍應主動幫我們安排每碟都可分吃. 食物水準仍然高企, 唔會係午餐就求求其其.
如果你未同你的另一半食過Chesa, 真係一定要試. 係歐洲美國都幾難用咁嘅價錢搵到咁嘅飲食旅程.
行落大堂, 一條長長的人龍等食高茶, 點解咁大間酒店都要用澳門茶餐廳的排隊方法. 半島都要做勢?
張貼