深井陳記燒鵝酒家

營業中

休息中

經過深井嘅朋友仔一定會比陳記-燒鵝嘅大招牌深深吸引着，黑色背景，金黃色燒鵝，掛喺商場外牆！離遠行過去已經見到，去食嘅人根本唔需要再導航一定搵到！推薦菜式包括燒鵝、個皮整得好脆，肉質唔會話好梅，點埋啲甜醬真係一舊接一舊咁食。叉燒， 肥瘦適中，肥得來又唔會太油。鵝腸，整得幾爽口唔會有臭味炒蟹 都多肉唔係水蟹，炒得好入味係咁絕啲汁。黃金炸魷魚，炸得有鑊氣，小小鹹蛋味好食。蟶子都係好新鮮，估唔到除咗肉類之外海鮮都做得幾好。揸車嘅朋友食完買單記住要將代客泊車飛比員工比佢哋吸印，咁就唔使俾錢。