大頭蝦南風海鮮酒家

營業中

休息中

尋日同朋友去完迪士尼酒店玩，就揸車去東涌，睇吓有咩食😎今次就去咗位於東涌嘅大頭蝦南風海鮮酒家😈因為我哋已經好肚餓 所以就叫咗幾個小菜！第一個都可以係我最愛嘅燒味拼盤 我就揀咗叉燒拼燒鵝 佢哋嘅燒味都好出色 全部都燒得好靚 叉燒肥瘦均勻 咬落去豬肉香出晒嚟🥰🥰🥰 燒鵝都好好食 油脂出晒嚟 好肥美 咬落去又唔會太油膩 我好鍾意佢地既燒鵝 🤓🤓 第二個菜係泰式青口！估唔到青口嘅份量咁多 每一隻都好飽滿多肉 大大隻脹卜卜 視覺上真係好吸引 佢哋嘅泰式辣醬都好好食 炒到啲青口好入味😉😉😉 最後就係我最愛嘅辣子雞煲啦 雞件嘅份量就係超級多 雞煲亦都係下面有個爐燒住 所以每次咬落去都係熱的 因為加咗好多辣椒嘅緣故 所以都比較辣 但係咁樣先夠惹味😍😍😍