慶祝紀念日點可以馬虎呢？搵到間港島幾有特色的小菜。聽聞係由新加坡廚師主理。東大街差不多街尾位置。
老闆好好人，有介紹到小菜的用料同招呼我地☺️
點左個二人餐B加多個小菜，仲有兩碗油飯。
🐥新加坡式海南雞:
醬係豉油醬同埋有點辣果款，都算正宗。肉質OK。
🦞蒜蓉開邊蒸龍蝦:
蒜蓉味夠，肉質OK。因為開左邊，岩哂兩個人食。只要反轉隻龍蝦，肉都輕易跌出黎，唔洗扯開啲肉。
🐟台式豆酥蒸黃花魚：
呢個有驚喜，連PiPi平時唔食有骨魚都食左半條。魚係見到有骨，但幼到可以咬斷。豆酥味出眾，魚質幼嫩，仲有魚籽架。
🍙海菜豆腐：
問左店主，係由海菜苗切碎再有雞蛋等等材料整成既豆腐。食落係有啲香既蛋黃味。佢分左兩層，頂層似海菜苗，底層似豆腐。
以上$388
🍆梅菜扣肉茄子扇$88:
本身意為係扇貝，不過誤打誤撞都有驚喜，真係未試過蒸都有燒茄子既口感，Creamy! 梅菜扣肉又係煲到好淋，講緊肥膏果Part。
油飯2碗各$12：
夠哂香味，不會太油但夠味。
總計$500
味道：🦙🦙🦙🦙🦙/5
環境：🦙🦙🦙🦙/5
推薦：🦙🦙🦙🦙🦙/5
抵食：🦙🦙🦙🦙/5
