億饍 (已結業)

原來旺角樓上有間正野，有好野食又可以飲野chill下，餐廳混合左中菜同東南亞菜色。蒜香牛油雞翼（東南亞）牛油雞翼唔係度度都煮得好，因為要食落去油而不膩唔係咁易做到，呢到既牛油雞翼好有牛油香，做得唔錯。純正原始上湯黑排翅（泰國）黑排翅冇吝嗇，湯汁鮮甜又有膠質，好養顏。椰子烏雞排骨燉湯湯水好甜又滋潤，睇相都見到好足料，烏雞元上鮮椰子去煲係絕好既配搭。桂花BB鴿肉質嫩滑，皮稍脆，bb鴿黎講都算大隻。泰式原個菠蘿炒飯好足料，有蝦仁同埋魷魚同埋札肉，飯炒得香口，乾身既炒飯最正！薑汁芥蘭嗚嗚，芥蘭好爽口，落左薑汁令到菜都變得好惹味，值得推介性價比高，平得黎又好食，最岩同一班朋友飯聚