豚王 (已結業)

最近，日式拉麵掀起一陣風潮，新店開完一間又一間。中環嘅豚王原本就係呢個風潮嘅始作佣者，但試過佢地尖沙咀分店嘅出品，真係令人大跌眼鏡。試咗當日嘅特別王，濃厚豬骨湯底X櫻花蝦。外表睇嚟已經覺得比一般拉麵濃稠，湯面上有硺碎嘅櫻花蝦，聞落都有啲蝦香。如店方建議，食麵之前，先嚐一啖湯底，豬骨味唔濃烈，只覺有少少咸，同好油膩。單係啲湯，已經可以算係我食過嘅日式拉麵中最難食嘅。雖說豬骨湯底必然杰身啲，但佢個湯差少少就似茨汁多過似湯。叉燒有三片，亦似煲湯豬肉，沒有肉味同鞋口。至於拉麵，亦覺有䶨水味。總之，全部都唔合格。最後，都唔知因為太油定太杰，食到一半，已經食唔落，仲想反胃㖭。因為太＂朗＂胃，已經食唔出其他味道。