CURATOR Art & Café (已結業)

Curator是一間主打藝術同咖啡美食既一間餐廳，位於K11內。餐廳不算大，一眼望得哂，全場都是由村上隆、草間彌生、KAWS等等既品牌展品裝飾而成，場內桌上及玻璃櫃入邊嘅展品都可以購買的，另外餐廳另一主打-Artsy print coffee，你可以揀場內嘅藝術品圖案，又或者你自己提供一張相片，比職員打印係你杯咖啡上面。今次我因為剛巧經過，已經食咗午餐嘅我，見到村上隆，真係忍唔住要入去叫杯咖啡同沙律😛藝術打印咖啡（凍）（可選咖啡或牛奶基底），我就選擇咗咖啡啦，然後梗係印村上隆花花啦😍咖啡味道一般，不過黎嗌呢杯野都是為左影相🤣🤣因為印花關係只可以凍飲。另外在嗌咗一個羽衣甘藍萵苣凱撒沙律🥗- 成件事好似好健康咁，呢個沙律其實係好味嘅，不過佢嘅芝士實在太多，食到最尾有啲鹹，食到最後仲有好多好多好多芝士。