Ocio (煙廠街) (已結業)

旺角煙廠街ocio, 無經過過都應該聽過吧，一個月總有兩三餐我都會係果到解決，食物質素有水準，唔怪之得平日晚六點幾已經高朋滿座。黎得Ocio， 最能comfort我梗係佢地的全日早餐，無論午餐時份定晚飯黎都有得叫，就好似 茶餐廳的早午常特餐，你唔會覺得厭。套餐包湯, 粟米忌廉湯夠暖身 Ocio全日早餐炒蛋窩夫雞扒parma ham薯條沙律豬肉腸， 一睇材料鋪滿成隻碟就知勁澎湃， 炒蛋份量多， 窩夫 軟熟 點糖漿超好味， 薯條條條金黃炸得香口， 沙律菜夠新鮮parma ham鹹香香，雞扒煎得金黃又大件, 食完勁飽, I have no complaints.臨尾飲埋杯凍檸茶，滿足。