淨係得我同朋友兩個，人數唔多又想食多啲唔同款嘅野食，叫依個星級之選套餐($328/位)就最好不過。
冷：清酒鮑魚+泰式生蝦
鮑魚飽滿，酒味香濃；生蝦鮮甜，加上泰式風味就更右惹味。
1
湯：姬松茸冬瓜+血池麻辣湯
姬松茸冬瓜清甜，仲加咗瘦肉黎煲，當湯飲非常一流；麻辣湯愈煲愈辣，有雲耳做配料。
海：海蝦+聖子+鱔片+大蜆
一樣係咁鮮甜，特別中意聖子同蜆，肥美又多汁~
牛：手切安格斯牛
紋理分明，一啲都唔老，牛味非常重，極品！
丸、餃、料係由一個塔裝住。
丸係鮮打豬肉丸同墨魚丸，肉質結實，口感一流。
餃係木耳鮮蝦雲吞。
料係豬肝、豬血、豬皮、芝心獅子狗卷、脆皮芝士腸。
最後仲有菜蔬野菌盒同埋烏冬。
本身以為會唔夠飽，食到最後已經覺得超飽！
