老百姓火鍋刺身 (已結業)

聞說老百姓火鍋湯底用心製作，誠意十足，所以限聚令放寬後即約朋友黎呢度打邊爐。可能都係限聚令放寬初期，餐廳唔算客多，食得好安心。我同朋友都係為左老百姓湯底而來，2個人好豪咁叫左個6人份嘅滋潤百姓湯再配少少其他火鍋配料食物。😂滋潤百姓湯(6人份) - $388湯底清甜滋潤，用料十足，包括雞，花膠，螺頭，豬骨，哈蜜瓜。最後我飲左5碗湯先開始打邊爐，朋友比我還要多。原本幻想哈蜜瓜煲湯係咪會好奇怪，又唔係喎，最後都食哂咁濟。雞肉煲得唔算太耐，所以撈起後依然雞味好足，一啲都唔韌，另外雞腳都落左唔少。食到底發現仲有花膠未撈起，長食長有，應該都有10片花膠。日本黑豚肉 - $108擺碟用心，肉質彈牙，可能湯底清的關係，豚肉味道好出。即炸響鈴 - $48原本係當打邊爐配料，但侍應提點配上甜酸醬，即食更好，香脆鬆化。🤤鮮魷 - $78原隻切片上碟有睇頭，鮮魷非常新鮮，魷味濃郁，且食得出係食物新鮮原有味道，好有大自然即時享用果種感覺。🤭鮮墨魚滑 - $98同樣擺碟用心設計過，未食已經垂涎三尺，新鮮墨魚製造，見到打後嘅墨魚夠黏，證明粉漿少，真材實料。📍老百姓火鍋刺身深水埗福華街39號地舖