小鍋霸 (新都城中心二期) (已結業)

臨近新年，去將軍澳個花市買啲花，行之前去左新都城小鍋霸打無限時邊爐，無限時梗係早啲去食耐啲。我地四點零就去到，餐廳雖然唔係話好大，但寛敞坐得又舒服。呢度湯底有成15款揀，成個星期無出街食，食個重口味既先，麻辣蕃茄牛肉涮涮鍋。麻辣香加上蕃茄香，材料恰完都唔洗再點調味，鍋入面仲有又入味又腍既牛腩，多次加湯後，湯底依然濃郁。3個套餐揀咗中間價錢388既，牛係美國Prime Grade極上牛頸脊同牛肩胛肉，豬既就西班牙伊比利亞黑毛豬同無激素豬肉片。4款肉都靚仔，紋理分明，豬牛一樣肉味香濃，口感軟腍。除咗呢幾款肉外，仲有好多配料任點，海鮮、蔬菜、丸、餃子等，港式或台式飲品都任飲架，每人仲有雪糕或甜筒。我既必食推介除左嗰4款牛豬肉外，就係沙茶牛肉、海鮮及有骨炸魚皮。沙茶牛肉好正，厚切得黎又嫩滑又入味。海鮮有蝦、鮮魚片、蜆、帶子，樣樣好新鮮彈牙。魚片同蜆我哋都叫咗好多轉，蜆肉大粒鮮甜，魚片嫩滑。有骨炸魚皮，出面未見過有得點，脆卜卜口感正。飲杯無糖茉莉花茶中和一下口腔味蕾，食埋雪糕就prefect。香芋雪香奶昔，出面買都要成廿幾三十蚊杯。呢度上餐超快，一點就出，讚。