鮨玥 (已結業)

本鮪壽司盛 $255吞拿魚壽司三食，有大本鮪魚腩、中本鮪魚腩、本鮪赤身，想講赤身已經不得了，魚油係三款之中最少，但都充滿住吞拿魚既鮮味，而中拖同大拖更加好味唔識形容，油分多亦非常香，入口即溶，基本上唔駛落任何醬油已經好好食。角切海鮮丼 $148海帶麵豉湯，胡麻田園沙律，茶碗蒸套餐豐富，茶碗蒸熱辣辣，嫩滑，主角海鮮丼份量亦不少，每樣刺身都切得大小一致，亦非常新鮮。生薑燒安格斯牛肉丼 $120牛肉味濃，燒得好香，生薑唔會搶過主角味道，飯量亦唔少，餐廳刺身執司固然係主打，但估唔到熟食都好好食，值得一讚。