元札幌拉麵 (悅來坊)

營業中

休息中

平時好少去呢邊食飯，難得經過就一於試下！點知真係有驚喜呀﹗環境唔錯，坐得舒服﹗主菜就點左份叉燒拉麵配味噌湯底。食拉麵最緊要就係湯底，本人偏愛咸味嘅湯底，所以味噌就岩晒我啦點了一份鹽燒五花腩，未食已經覺得超香啦！五花腩最緊要嘅係啖啖肥肉連住瘦肉，而且表面果層亦都有鹽同黑椒味，所以好香好吸引。 試第一啖，一口咬落去所有燒肉嘅油同五花腩嘅油都融於口腔，真係好正。而肉質都好嫩口，唔會太難咀嚼，加少少檸檬汁就更加帶出香味。而五花腩底帶沙律菜墊底，既吸左五花腩多左嘅油脂，又可以淨化下油膩。