瘋鳥 (已結業)

餐廳名叫瘋鳥，個名好搞笑， 位於長沙灣，附近有好多店小食店經營，而且呢間餐店稍有名氣，晚市時段好多人，記得要book位。 環境都幾文青， 燈光柔和，坐得舒服。澳洲西冷牛扒 (8安士) $158我點了七成熟，牛肉味香濃， 點埋肉汁更加juicy，口感都算軟淋，但有邊位少少筋。 薯條金黃香脆，整體來講都唔錯。三重芝士炸雞pizza $115炸蝦放咗一陣仲keep得好脆， 炸漿唔算好厚，蝦肉有少少彈牙。 pizza做到拉絲效果，兩個人食到好飽飽。水蜜桃乳酪沙冰 跟餐+$28味道唔會好甜，有水蜜桃嘅清香，沙冰綿綿，唔會有冰粒， 飲下飲下有啲似益力多味，我幾鍾意。荔枝玫瑰茶 $38呢個好好飲，好特別，玫瑰花香帶點荔枝味，好喜歡。