影片
更多
2023-07-07
443 瀏覽
餐廳：本命 (銅鑼灣)地址：銅鑼灣邊寧頓街13號2樓呢間新開嘅鐵板燒餐廳——本命 @honmei.teppanyaki 位於銅鑼灣鬧市，開咗兩個月就已經頻頻爆滿，就算想訂位去食飯都無呢個機會。終於喺早排平日晚上訂到位，可以一試佢哋嘅晚市鐵板燒🔥上到2樓見到餐廳分開咗兩個鐵板燒區域，帶嚟截然不同嘅感覺，一邊以雲石同水泥打做成新派時尚感，另一邊就以木系設計塑造和式風格🇯🇵。一人前晚餐有兩款選擇：分別喺$588嘅「本」同$788嘅「命」套餐，兩款都喺11道菜，只係用料同食材方面有所分別🤓今次所揀嘅「本」鐵板燒套餐包括：1️⃣前菜2️⃣北海道帆立貝3️⃣甘鯛4️⃣大蝦5️⃣美國安格斯牛薄燒6️⃣黑豚薄餅7️⃣美國SRF極黑和牛8️⃣炒飯9️⃣吸物🔟炒野菜1️⃣1️⃣甘味前菜有田園沙律同有陣陣牛油香嘅軟滑薯蓉，前者加咗酸汁啫喱，食落酸香開胃😋；薯蓉加咗蒜粒同蛋白碎，帶嚟豐富嘅口感層次嚟到海鮮第一道菜，有兩邊煎香嘅北海道帆立貝配上自家製菠菜忌廉汁，加埋辣椒絲一齊食突出返帆立貝嘅爽口鮮甜；再嚟嘅喺甘鯛同日本大蝦🦐，將鯛魚皮煎到金黃香脆，加上用魚湯同甘筍整成嘅忌廉汁，連埋雪白嫩滑嘅鯛魚肉帶嚟兩種唔同嘅口感👍；用咗日本車海老(花竹蝦)，先用蝦頭嘅
地址：銅鑼灣邊寧頓街13號2樓
呢間新開嘅鐵板燒餐廳——本命 @honmei.teppanyaki 位於銅鑼灣鬧市，開咗兩個月就已經頻頻爆滿，就算想訂位去食飯都無呢個機會。終於喺早排平日晚上訂到位，可以一試佢哋嘅晚市鐵板燒🔥
上到2樓見到餐廳分開咗兩個鐵板燒區域，帶嚟截然不同嘅感覺，一邊以雲石同水泥打做成新派時尚感，
另一邊就以木系設計塑造和式風格🇯🇵。一人前晚餐有兩款選擇：分別喺$588嘅「本」同$788嘅「命」套餐，兩款都喺11道菜，只係用料同食材方面有所分別🤓今次所揀嘅「本」鐵板燒套餐包括：
1️⃣前菜
2️⃣北海道帆立貝
3️⃣甘鯛
4️⃣大蝦
5️⃣美國安格斯牛薄燒
6️⃣黑豚薄餅
7️⃣美國SRF極黑和牛
8️⃣炒飯
9️⃣吸物
🔟炒野菜
1️⃣1️⃣甘味
前菜有田園沙律同有陣陣牛油香嘅軟滑薯蓉，前者加咗酸汁啫喱，食落酸香開胃😋；薯蓉加咗蒜粒同蛋白碎，帶嚟豐富嘅口感層次
嚟到海鮮第一道菜，有兩邊煎香嘅北海道帆立貝配上自家製菠菜忌廉汁，加埋辣椒絲一齊食突出返帆立貝嘅爽口鮮甜；再嚟嘅喺甘鯛同日本大蝦🦐，
將鯛魚皮煎到金黃香脆，加上用魚湯同甘筍整成嘅忌廉汁，連埋雪白嫩滑嘅鯛魚肉帶嚟兩種唔同嘅口感👍；
用咗日本車海老(花竹蝦)，先用蝦頭嘅蝦膏加清酒同香草忌廉煮成濃汁，淋上煎香同挑走咗蝦腸、入口肉厚爽甜嘅蝦身上面，配埋燒到香脆可口嘅蝦尾，可以由頭到尾食到蝦嘅原汁原味🤩之後有肉類：黑豚薄餅、美國安格斯牛薄燒同美國SRF極黑和牛。
薄脆嘅薄餅包住黑豚肉絲同蔬菜🐷；
肉味香濃嘅安格斯牛包住豐富爽脆嘅蔥同香料；
當然唔少得肉汁豐腴、脂香出色，連埋炸蒜片、海鹽同Wasabi一齊食無得彈嘅嫩口美國SRF極黑和牛🐮
食完主食就有和牛粒鐵板炒飯；
用甘鯛魚魚骨同鯖魚熬煮而成、仲有好多娃娃菜同豆腐粒嘅鮮魚湯🍲；新鮮嘅鐵板炒野菜；
最後緊喺壓軸嘅甜品——充滿牛油同糖漿香味嘅法式多士🍯，超級邪惡但真喺好好食😈，不過配埋抹茶雪糕一齊食就無咁甜膩🍨
張貼
