宮崎日式燒肉店 (已結業)

呢餐飯真係食到一肚氣，除左豆腐沙律件豆腐係正常之外，其他野都好難食好唔新鮮。燒肉質素差，牛舌咬唔開，好多款肉都薄到紙咁，冇試過食燒肉只係點左一次肉冇encore，因為諗起都驚。多春魚冇挑內臟，苦到刺身更加伏，八爪魚係霉既，吐都吐唔切，啲甜蝦食一隻就夠，唔新鮮之餘仲覺得怪怪地，唔似平時食個啲。三文魚點左但係已經唔敢試。天婦羅係比較正常，不過不失。拉麵烏冬個啲因爲食得太少都要叫一兩碗黎頂肚，味道就算啦，冇期望就冇失望。但係服務係唔錯既，環境都舒服，洗手間乾淨，希望可以努力改善食物品質。