影片
更多
2014-12-19
2067 瀏覽
聽聞元朗出現左一間以唔同限定口味麵條做賣點嘅沾麵店。 所以身為拉麵迷嘅小弟當然要試一試依啲特別嘢啦~~~以下會介紹店家其中一款口味嘅沾麵：「黑油沾麵」賣相方面: 自製嘅「彩」字柴菜。有心思~另外店家用左香港少有將配料放落湯度嘅做法。 雖然賣相變得單調...但係小弟就比較鐘意依種做法~咁做嘅話，叉燒同味玉吸收左湯底嘅味道，變得特別入味~讚!叉燒方面: 選用肩位部分，肥瘦比例約7:3。雖然叉燒本身冇做到咩特別處理，勝在肉身鬆軟，唔「鞋口」~加上薄切而且已浸湯嘅關係，令到叉燒多左一種黑蒜油味~唔錯!味玉方面: 流心效果尚算可以~因為味玉已浸湯嘅關係，吸收左黑蒜油嘅味道，惹味!麵條方面:自家製麵機製成嘅麥麵。為「幼麵」。當晚已賣晒限定口味嘅麵條...實在可惜...唯有試基本口味嘅麥麵。麵質唔錯，入口仲可以感受到微微嘅小麥味道，但係就俾小弟發現一個非常嚴重嘅問題!問題就係麵條有殘餘水份!處理沾麵嘅麵條係唔應該有多餘水份。因為用多餘水份嘅麵條黎沾湯就會影響湯底本身嘅味道!此舉證明篩水動作做得不足!如此好質素麵條就此浪費...湯底方面: 黑蒜油配豬骨湯底嘅組合。聞落去有陣陣黑蒜油~黑蒜油比例略嫌重左
以下會介紹店家其中一款口味嘅沾麵：
「黑油沾麵」賣相方面: 自製嘅「彩」字柴菜。有心思~
另外店家用左香港少有將配料放落湯度嘅做法。 雖然賣相變得單調...但係小弟就比較鐘意依種做法~
咁做嘅話，叉燒同味玉吸收左湯底嘅味道，變得特別入味~讚!
叉燒方面: 選用肩位部分，肥瘦比例約7:3。雖然叉燒本身冇做到咩特別處理，勝在肉身鬆軟，唔「鞋口」~
加上薄切而且已浸湯嘅關係，令到叉燒多左一種黑蒜油味~唔錯!
味玉方面: 流心效果尚算可以~因為味玉已浸湯嘅關係，吸收左黑蒜油嘅味道，惹味!
麵條方面:自家製麵機製成嘅麥麵。為「幼麵」。當晚已賣晒限定口味嘅麵條...實在可惜...唯有試基本口味嘅麥麵。
麵質唔錯，入口仲可以感受到微微嘅小麥味道，但係就俾小弟發現一個非常嚴重嘅問題!
問題就係麵條有殘餘水份!
處理沾麵嘅麵條係唔應該有多餘水份。因為用多餘水份嘅麵條黎沾湯就會影響湯底本身嘅味道!
此舉證明篩水動作做得不足!如此好質素麵條就此浪費...
湯底方面: 黑蒜油配豬骨湯底嘅組合。聞落去有陣陣黑蒜油~黑蒜油比例略嫌重左少少，不過湯底味道尚算濃郁~豬骨味會係加清湯之後逐漸品嚐得到。
湯底係整表現最好嘅一環!
總結: 叉燒、味玉、湯底，表現滿意~
自家製麵機加上每日推出唔同限定口味嘅麵條，顯其特色!
唯獨麵條篩水功夫方面要改善!希望店家好好正視此問題!因為沾麵嘅其一重點就係麵條本身。
工序處理不當，再好嘅材料，都只會變成浪費...
張貼
