影片
更多
2020-02-17
105 瀏覽
今次又再黎呢道食 原來請黎唱歌既係有幾班固定既再輪流黎到現時都唔太清楚係咪每晚都一定有人唱一月頭黎同新年再黎個menu已經唔同左！上次我飲latte 同 mocktail今次咖啡就只剩 long black （Americano既兄弟）mocktail就只剩兩款咁好啦我今次都啤啤佢！今次調轉順序 放一放張單先！因為野食唔係我叫 所以我都唔熟兩個人 小計係1024再加一今次論野食黎計係好食左好多。。不過除左甜品 全部都係當日工作既人推薦呢個係蟹肉蝦肉薄餅睇個賣相就麻麻地 滿滿既芝士碎同蟹肉隻色都比較接近不過係好食既！有幾個位有啲啲辣不過因為唔係每個位都有辣醬同有意料之外既牛油果喺入面中和返個辣度所以就算我唔係好食辣都食到蝦蟹唔係特別突出 有少少鹹 唔濃味但個味都係討好既 偶爾少少辣可能因為加左牛油果 算係行小清新路線唔叫好濃味好刺激味蕾嗰種帶子扁面 幾好食 不過略油左啲同埋帶子係切左片 唔係原粒上份量都算多 如果一人食都應該會覺得飽意粉都有啲咬口 唔會煮到過熟都係帶少少鹹 啲味偏向唔會令人覺得漏豬胺上枱係啱啱開始live嗰陣專心聽歌 過左食既最好時機！豬胺已經切好 每片個厚度都差唔多白色
原來請黎唱歌既係有幾班固定既再輪流黎
到現時都唔太清楚係咪每晚都一定有人唱
一月頭黎同新年再黎
個menu已經唔同左！
上次我飲latte 同 mocktail
今次咖啡就只剩 long black （Americano既兄弟）
mocktail就只剩兩款
咁好啦我今次都啤啤佢！
今次調轉順序 放一放張單先！
因為野食唔係我叫 所以我都唔熟
兩個人 小計係1024再加一
今次論野食黎計係好食左好多。。
不過除左甜品 全部都係當日工作既人推薦
呢個係蟹肉蝦肉薄餅
睇個賣相就麻麻地
滿滿既芝士碎同蟹肉隻色都比較接近
不過係好食既！
有幾個位有啲啲辣
不過因為唔係每個位都有辣醬
同有意料之外既牛油果喺入面中和返個辣度
所以就算我唔係好食辣都食到
蝦蟹唔係特別突出 有少少鹹 唔濃味
但個味都係討好既 偶爾少少辣
可能因為加左牛油果 算係行小清新路線
唔叫好濃味好刺激味蕾嗰種
帶子扁面
幾好食 不過略油左啲
同埋帶子係切左片 唔係原粒上
份量都算多 如果一人食都應該會覺得飽
意粉都有啲咬口 唔會煮到過熟
都係帶少少鹹 啲味偏向唔會令人覺得漏
豬胺
上枱係啱啱開始live嗰陣
專心聽歌 過左食既最好時機！
豬胺已經切好 每片個厚度都差唔多
白色既係薯泥 而黑色既應該係醃蘋果但好辣！
因為我掛住聽歌 每節20分鐘嘛。。。
食嗰陣已經凍凍地。。 所以食落感覺不太好
口感都偏硬左 不過應該係我冇即刻食既問題
配菜既薯蓉做得都麻麻 偏淡 少少濕
可能係預左一定要跟辣醃菜
所以冇額外調味
不過真係好辣 怕辣就食唔到( ´▽｀)
野飲叫左lost star 同舖頭名一樣
係佢地自家既手工啤酒
用返自家杯上 應該都係其中一杯主打飲品
係有少少香甜既感覺 錯覺上有啲似桃
但應該係啤酒花香
幾好飲 好易入口 女仔應該都易接受
第二杯想嗌返latte 但今次黎發現menu冇左
所以叫左杯earl grey。。茶包茶 偶有人會黎加水
可能我眼大睇過龍
我事後先知原來有dinner set 我兩次menu都唔見
咁應該set會更抵食一啲 如果再黎下一次就食set!
好啦講返今次既歌者 係Lydia pau
我所在位置影過去點都反光。。。。
有啲面善 佢自我介紹先知原來係viutv出現過
今次同上次黎係有好明顯既分別
上次一節三首歌 今次一節四首
上次係band 偏向jazz 今次只有一枝結他伴奏
上次只有英文歌 今次有齊兩文三語
本人特別中意聽廣東話歌 母語聽落份外親切
不過歌者都係唱英文歌會更好聽
有首歌好似叫autumn 係自創曲
英文唔好 其實我都唔係好聽得明
不過個旋律就好深印象
mi~ so~ do ri mi so~
應該係。。。我音樂都唔叻
兩次體驗都有相同既地方既
首先係 歌 真係好好聽
其次 幾隻私家杯裝既野都係有驚喜既
呢個地方真係值得再黎
真係聽歌就值回票價
張貼
