影片
更多
2014-06-25
5208 瀏覽
知道 WIRED Cafe 係6月-7月 搞 期間限定 沖繩 Fair ,所以同友人落去食晚飯。食物以日式 + 西 餐 fusion 風格為主。當然今次食沖繩 Fair Menu 既野。嗌左 沖繩塔可飯+明太子海葡萄意粉+紫薯黑糖班戟+兩杯沖繩特飲(分別係:藍色既沖繩泡盛特飲+黃色既沖繩柑橘特飲)+沖繩Orion 啤酒。 先黎到既係兩杯沖繩特飲:沖繩泡盛+沖繩柑橘沖繩泡盛:酒精飲品,一聞幾有酒香,混入冧酒、梳打,飲落幾有氣,不過冇味既 有塊檸檬,篤左幾野,都冇咩作用,只不過好似有氣既檸水..難為我比左$68...沖繩柑橘:呢杯好飲好多,起碼有甜味,有D似果汁酒,酸酸甜甜,幾好飲!! 飲到咁上下,個塔可飯就黎嘞~~沖繩塔可飯 Okinawa Taco Rice:呢個係佢地既Wired Cafe 既招牌之一。Taco Rice 保留了墨西哥捲餅 Taco 既內餡食材,將外面既餅皮換成日本米飯。有辣肉醬、番茄、牛油果、半熟蛋、生菜、紅椰菜絲、芝士、粟米片、果仁碎等等..食起上黎都辣辣地,但咁多樣夾埋一齊好配合，好好食!!因為有D菜沖調下，唔會"滞口",又有粟米片、果仁碎,口感豐富~明
嗌左 沖繩塔可飯+明太子海葡萄意粉+紫薯黑糖班戟+兩杯沖繩特飲(分別係:藍色既沖繩泡盛特飲+黃色既沖繩柑橘特飲)+沖繩Orion 啤酒。 先黎到既係兩杯沖繩特飲:沖繩泡盛+沖繩柑橘
沖繩泡盛:酒精飲品,一聞幾有酒香,混入冧酒、梳打,飲落幾有氣,不過冇味既 有塊檸檬,篤左幾野,都冇咩作用,只不過好似有氣既檸水..難為我比左$68...沖繩柑橘:呢杯好飲好多,起碼有甜味,有D似果汁酒,酸酸甜甜,幾好飲!!
飲到咁上下,個塔可飯就黎嘞~~
沖繩塔可飯 Okinawa Taco Rice:呢個係佢地既Wired Cafe 既招牌之一。Taco Rice 保留了墨西哥捲餅 Taco 既內餡食材,將外面既餅皮換成日本米飯。有辣肉醬、番茄、牛油果、半熟蛋、生菜、紅椰菜絲、芝士、粟米片、果仁碎等等..食起上黎都辣辣地,但咁多樣夾埋一齊好配合，好好食!!因為有D菜沖調下，唔會"滞口",又有粟米片、果仁碎,口感豐富~
明太子海葡萄意粉:又一限定茶式。呢個等左好耐,意粉黎到都唔熱,難道呢個本身係冷麵!? 海葡萄係沖繩特產,但今次呢個一來份量小,二來呢個海葡萄唔爽口....明太子既味道都叫有,叫做"吊"起個意粉啦...總結黎講,普通~食到咁上下,沖繩樂團Eisa-Crew Crown出黎表演沖繩民謠啦~當然有玩埋太鼓啦~聽著沖繩音樂,食住沖繩特別既野食,個感覺真係幾好!!
雖然只係30分鐘既表演,但足以令到場內既氣氛高漲起黎!!!仲有 2014 Miss 沖繩 (okinawa)到場支持呢!!好kawaii 呢~
同時,佢地仲話沖繩啤酒 $18 1 支,所以我地都要支持下嗌1支啦!!
沖繩啤酒:沖繩既代表性啤酒,麥芽、啤酒花同沖繩水作為原料，再用Orion獨有技術發酵而成,佢D泡真係好幼滑,D 啤酒冰凍之餘,味道仲好清新爽口添!!清清地啱哂D唔係好飲得啤酒既人!!爽到咁上吓,叫佢地上埋個"紫薯黑糖班戟"。
紫薯黑糖班戟(Sweet Potato Pancake):紫薯 同 黑糖 都係 沖繩既特產,D紫薯由當地直送,班戟仲配埋 "黑豆" 同 "黑糖糖漿"~~班戟入面仲有D香滑既雲呢嗱雪糕吉士醬,不過放落班戟會點呢?唔會好甜既紫薯蓉加埋漏哂雲呢嗱吉士醬既班戟真係好正,味道又夾,甜而不膩, 估唔到咁好食! 雖然D黑豆係甜,但係個種甜唔會甜到好難食,D糖漿都係甜既,似蜜糖~~呢個班戟都值得叫!!環境:都係日本洋式Cafe ,D 座椅有D 係 梳化櫈,有D卡位放左 顏色繽紛既咕臣~~室內都放左唔少有特色既裝飾同擺設!!視覺上豐富之餘,燈光都算舒服柔和架~
服務:等候食物既時間都有D耐,幸好店內侍應都有所回應,追下廚房。黎到都有話"唔好意思"既另外,等位既時候被告知只可以食 個半鐘,但我朋友遲到十分鐘,都唔計個十分鐘,都肯就到D客~~食物//總體: 總體可接受既~都幾有氣氛~係某D食物黎到唔熱,希望可以改善~~價錢都頗貴~2人幾樣野食左 4百幾..
最後分享埋一兩張相!!
題外話/補充資料：
尖沙咀B1 出轉右直去,美麗華中心對面就係Mira Mall
(以上食評乃用戶個人意見 , 並不代表OpenRice之觀點。)
張貼
